ANA SƏHİFƏ / GÜNDƏM

DEMƏSİNLƏR MƏMMƏD KİŞİ DƏ HEÇ TƏKLİF VERMƏDİ

4459    |   2018-07-10 15:16
Şriftin ölçüsü:
A+ Böyütmək
A+ Balacalaşdır

Sovetlər dönəmi, rəhmətllik Muradxan Cabbarov Laçının birinci katibidi. Mərkəzi Komitənin məsul bir işçisi Laçına gəlib. Cabbarov onu götürüb gedir ucqar bir kəndə. Camaata deyir ki, bu yoldaş Mərkəzi Komitənin məsul işçisidi, kəndin nə problemi var, deyin, həll edəcək. Başlayırlar problemləri deməyə. MK-nın işçisi də hamısını yazır. Kəndin ağsaqqalı Məmməd kişi də bir kənarda oturub demisin tüstülədir. İclas qurtarır, Məmməd kişi də söz alır.

- Mənim də bir təklifim var. Bizim kənddə məktəb yoxdu , uşaqlar iki kilometr aralıdakı kəndin məktəbinə gedirlər. Bunun qışı var, yağışı var, qarı var, uşaqlar çox əziyyət çəkir. Xahiş edirəm, bizim kənddən o kəndə qədər yolun üstünü talvar eləsinlər ki, uşaqlar pala-palçığa batmasın, yağış yağanda yağışa düşməsin.

Muradxan müəllim deyir:

- Məmməd kişi, elə təklif ver ki, onu həyata keçirmək mümkün olsun da.

Məmməd kişi:

- Cabbarov, dedim bir təklif də mən eləyim, deməsinlər ki, ağsaqqal bir təklif də eləmədi. Guya o biri yazdıqların eləyəcəklər ki?

İndi deyirəm, bir təklif də biz edək də, sonra deməsinlər ki, niyə bir təklif də etmədilər.

Füzulidə su elektrik stansiyası var, açılışında da Möhtərəm Prezident şəxsən iştirak edib. Elektrik stansiyasının gücünü dəqiq bilmirəm, amma hər halda enerjisi cəbhə xəttindəki Füzuliyə və Beyləqana çatar. Amma o elektrik stansiyası istehsal elədiyi enerjini büküb-bükmələyib göndərir 200 kilometrlikdəki Mingəçevirə və ordan təzədən büküb-bükmələyib göndərirlər Füzuliyə. Elə ola bilməzmi ki, həmin stansiya öz enerjisini öz bölgəsində paylasın?! Azərbaycanda belə su elektrik stansiyaları və istilik elektrik stansiyaları çoxdur. Əgər düzgün və vaxtında planlaşdırma aparılsaydı, ölkə də həmin gecə şamu-qəriban olmazdı.

Amma adamın üstündə Allah var, mən bu sahənin mütəxəssisi deyiləm, ola bilsin ki, səhv edirəm, amma «Azərenerji»dən bir açıqlama gözləyirəm.




İmza:
SON XƏBƏRLƏR
2018-07-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Zakir Fəxri təyyarə ilə Moskvaya uçur, yanında sarışın, qəşəng bir qız oturub. Zakir qıza deyir ki, yol uzaqdı, gəl növbə ilə bir-birimizə sual verək, sən tapmasan mənə 5 dollar verərsən, mən tapmasam sənə 500 dollar verərəm. Qız razılaşır. Zakir:
- Yerlə ayın arası neçə metrdi?
Qız deyir bilmirəm və çıxarıb 5 dollar verir. Sonra
- O kimdir ki, dağa üç ayaqla çıxır, dörd ayaqla düşür?
Zakir çox fikirləşir, dostlarına zəng vurur, cavabı tapa bilmir və qıza 500 dollar verir. Sonra soruşur ki, yaxşı doğrudan maraqlıdı, o kim idi?
Sarışın qız sakitcə çıxarıb Zakirə beş dollar verir və deyir, ki, heç mən də bilmirəm.




digər lətifələr
ARXİV
FACEBOOK