ANA SƏHİFƏ / SAĞLAMLIQ

Kişilər siqareti atır, qadınlar isə...

2196    |   2018-07-09 14:33
Şriftin ölçüsü:
A+ Böyütmək
A+ Balacalaşdır

Tütündən istifadə edilməsi bütün dövrlərdə ən böyük bəlalardan biri kimi qəbul olunub. Zaman keçsə, əsrlər ötsə də, bu gün də onun zərərli təsirinə məruz qalanlar həm özlərinin, həm də ətrafdakıların sağlamlığını təhlükə ilə üz-üzə qoyurlar.

Adalet.az xəbər verir ki, Azərbaycan Tibb Universiteti Tədris-Terapevtik Klinikasının pulmonologiya şöbəsinin müdiri Əlizamin Sadıqov bununla əlaqədar deyib: "Dünya Səhiyyə Təşkilatının ekspertləri araşdırma nəticəsində belə bir rəyə gəliblər ki, siqaret çəkənlərin demək olar ki, hamısı bu zərərli vərdişi yeniyetmə yaşında öyrənməyə başlayıb. Bəzən yeniyetmə maraq və həvəs naminə bir neçə qullab vurduğu zərərli vərdişdən qurtulmaq üçün çox böyük əziyyət və zəhmət çəkir. Aparılan tədqiqatlar göstərir ki, valideynlərin, ictimaiyyətin və səhiyyə təşkilatlarının birgə səyi ilə siqaret çəkənlərin sayını il ərzində 25 faizə qədər azaltmaq mümkündür. Dünya əhalisinin təxminən 26 faizə qədəri, yəni 1,3 milyard nəfərə yaxını tütündən istifadə edir. Onlar il ərzində 500 milyard siqaret çəkir və ətrafdakıları passiv tütünçəkməyə məruz qoyur. Məsələ burasındadır ki, passiv siqaret çəkənlər də onlar kimi kardiovaskulyar, enfizema, sidik kisəsi, ağciyər, mədə xərçəngi kimi, bunlardan əlavə xroniki bronxit, mədə yarası və digər xəstəliklərə tutulurlar”.

Qadınlar arasında siqaretçəkmə halları daha çox narahatlıq doğurur. Pulmonoloqun dediyinə görə, cəmiyyətdə qadınlar arasında bu sahədə artım tendensiyası müşahidə olunur. Son 20 ilin məlumatına əsasən kişilər arasında siqaretçəkmə 4 faiz azaldığı halda, qadınlar arasında 0,4 faiz artım var. Siqaretdən istifadəyə nə qədər tez başlanılırsa, onun fəlakətli nəticələri də o qədər ağır olur. Hamilə qadının siqaret çəkməsi dünyaya gələn körpədə çəki azlığı, fiziki inkişafdan qalma, astma xəstəliyi, respirator infeksiyalarının yüksək olma ehtimalını yaranır. Dünya alimləri belə bir qənaətə gəliblər ki, bətndaxili uşaq ölümünün birinci səbəbi hamilə qadının siqaret çəkməsidir. Yaxud valideynlərdən birinin siqaret çəkməsi tütünün təsirindən hətta 2-3 aylıq körpənin qəfləti ölümünə səbəb ola bilər.

Pulmonoloq daha sonra deyib:

"Siqaret tüstüsünün ilk targeti, başqa sözlə desək, hədəfi ağciyərlərdir. Yeniyetmə və gənclər arasında maarifləndirmə işi aparmaqla onları zərərli vərdişin təsirindən uzaqlaşdırmaq lazımdır. Siqaret çəkənlə həkimin apardığı 3 dəqiqəlik söhbət onlarda imtinaya motivasiyanı 25 faiz gücləndirir. Əslində isə bütün xəstəliklərin ilkin profilaktikası siqaretdən tam imtina etməkdən ibarətdir”.




İmza:
SON XƏBƏRLƏR
2018-07-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Zakir Fəxri təyyarə ilə Moskvaya uçur, yanında sarışın, qəşəng bir qız oturub. Zakir qıza deyir ki, yol uzaqdı, gəl növbə ilə bir-birimizə sual verək, sən tapmasan mənə 5 dollar verərsən, mən tapmasam sənə 500 dollar verərəm. Qız razılaşır. Zakir:
- Yerlə ayın arası neçə metrdi?
Qız deyir bilmirəm və çıxarıb 5 dollar verir. Sonra
- O kimdir ki, dağa üç ayaqla çıxır, dörd ayaqla düşür?
Zakir çox fikirləşir, dostlarına zəng vurur, cavabı tapa bilmir və qıza 500 dollar verir. Sonra soruşur ki, yaxşı doğrudan maraqlıdı, o kim idi?
Sarışın qız sakitcə çıxarıb Zakirə beş dollar verir və deyir, ki, heç mən də bilmirəm.




digər lətifələr
ARXİV
FACEBOOK