ANA SƏHİFƏ / ELM VƏ TƏHSİL

İndoneziya səfiri ADU-nun fəxri professoru oldu

5594    |   2018-07-05 13:37
Şriftin ölçüsü:
A+ Böyütmək
A+ Balacalaşdır

Azərbaycan Dillər Universiteti (ADU) Elmi Şurasının 4 iyul 2018-ci il tarixli iclasının qərarı ilə (protokol № 19) İndoneziya Respublikasının ölkəmizdəki fövqəladə və səlahiyyətli səfiri Husnan Bey Fanani ADU-nun fəxri professoru adına layiq görülüb.

Tədbirdə Azərbaycan Dillər Universitetinin professor-müəllim heyəti, İndoneziya Respublikasının Xalq Məşvərət Şurasının nümayəndələri və İndoneziya Respublikasının ölkəmizdəki səfirliyinin əməkdaşları iştirak ediblər.

İndoneziyalı qonaqları və şura üzvlərini salamlayan Azərbaycan Dillər Universitetinin rektoru, AMEA-nın həqiqi üzvü Kamalla Abdulla ADU-da müxtəlif ölkələrin dillərinin və mədəniyyətlərinin yüksək səviyyədə təbliğ olunduğunu bildirib. Rektor qeyd edib ki, bu dillər və mədəniyyətlər sırasında İndoneziya dili və mədəniyyəti də xüsusi yer tutur:

"2007-ci ildən universitetimizdə İndoneziya dili tədris olunur. 2010-cu ildən etibarən isə ADU-da İndoneziya Araşdırmaları Mərkəzi fəaliyyət göstərir. İndoneziyaşünaslıq ixtisası üzrə təhsillərini başa vurmuş onlarla məzunumuz həm ölkəmizdə, həm də xaricdə bu istiqamət üzrə yüksək səviyyədə çalışırlar".

ADU-nun İndoneziya Araşdırmaları Mərkəzinin İndoneziya universitetləri ilə sıx əməkdaşlıq etdiyini qeyd edən rektor bildirib ki, bu əməkdaşlıqda səfir Husnan Bey Fananinin çox böyük əməyi var:

"Cənab səfir Husnan Bey Fananinin Azərbaycan Dillər Universiteti ilə İndoneziya universitetləri arasında sıx əməkdaşlıq qurmaqda xüsusi xidmətləri var. Hazırda tələbələrimiz İndoneziyada təhsillərini davam etdirir, elmi tədiqat işləri aparırlar. Xoş haldır ki, İndoneziya universitetlərində də Azərbaycan dili və mədəniyyəti təbliğ olunur".

K.Abdulla əlavə edib ki, son bir ildə İndoneziyadan çox yüksək səviyyəli qonaqlar, dövlət xadimləri, elm və mədəniyyət işçiləri ADU-da olublar. Rektor qonaqların Azərbaycan Dillər Universiteti ilə bağlı müsbət fikirlərinin formalaşmasında cənab səfirin böyük rolu olduğunu vurğulayıb:

"Husnan Bey Fananinin fəaliyyəti təkcə bununla kifayətlənmir. Cənab səfir semestr ərzində Azərbaycan Dillər Universitetinin İndoneziyaşünaslıq ixtisası üzrə təhsil alan tələbələrinə İndoneziyanın siyasi kursu və İndoneziyanın siyasi sistemi fənlərini tədris edib. Eyni zamanda Husnan Bey Fanani dünyada tanınan alimlərdəndir. O, çox əhəmiyyətli kitabların müəllifidir və yazdığı əsərlər dünyada maraqla öyrənilir".

Sonra Azərbaycan Dillər Universitetinin rektoru akademik Kamal Abdulla İndoneziya Respublikasının ölkəmizdəki fövqəladə və səlahiyyətli səfiri Husnan Bey Fananiyə ADU-nun fəxri professoru diplomunu təqdim edib.

Səfir Husnan Bey Fanani Azərbaycan Dillər Universitetinin rəhbərliyinə, akademik-müəllim heyətinə təşəkkürünü bildirib. Qeyd edib ki, Azərbaycan və İndoneziya arasında dostluq və qardaşlıq münasibətləri yüksək səviyyədə davam edir:

"Ölkələrimiz arasında dostluq və qardaşlıq münasibətləri günü-gündən inkişaf edir. Azərbaycan Dillər Universitetinin fəxri professoru adına layiq görülməyimdən şərəf hissi keçirirəm. Bu həm mənim, həm ailəm, həm də xalqım üçün uca bir addır. Bu etimad xalqlarımız arasında möhkəm qardaşlıq əlaqələrinin bariz nümunəsidir".

Səfir əlavə edib ki, Azərbaycan və İndoneziya gəncləri xalqlarımızın dəyərlərini daha da irəli aparacaq:

"Əlaqələrimiz bütün sahələrdə özünü göstərir. Həm siyasi, həm iqtisadi, həm təhsil, həm də digər sahələrdə çox yüksək səviyyədə əlaqələr qurmuşuq və davam etdiririk. Mən inanıram ki, gənclərimiz dəyərlərimizi daha da irəli aparacaq".

Səfir cənab Husnan Bey Fanani Azərbaycan Dillər Universitetinə hər zaman dəstək olacağına söz verib:

"İndoneziya və Azərbaycan universitetləri arasında da əməkdaşlıq yüksək səviyyədədir. Söz verirəm ki, harada olmağımdan asılı olmayaraq bu istiqamətlərin daha da inkişaf etməsi üçün Azərbaycan Dillər Universitetinə daim dəstək olacağam".

Sonda səfir Husnan Bey Fanani pianoda Azərbaycan və İndoneziya musiqilərini ifa edib.





İmza:

BANM-ın tələbələrinin layihəsi Yaponiyanın marağına səbəb olub

İtaliyanın Turin Politexnik Universiteti Bakı Ali Neft Məktəbində

BANM-da “Mühəndislər üçün biznes təhsili”nə start verildi

Məktəb direktoru olmaq istəyənlərin NƏZƏRİNƏ

ADU-da Dövlət Bayrağı Günü qeyd olunub

Yeni Orfoqrafiya lüğəti nə vaxt hazır olacaq?

“Coğrafiya” dərsliyinin müəllifləri ittihamlara cavab verdilər

Kamal Abdulla Çexiyanın təhsil, gənclər və idman nazirinin müavini ilə görüşüb

ADU və Mühəndislik Universiteti arasında müqavilə imzalandı - FOTO

İsveçli gənclər Bakı Ali Neft Məktəbinin qonağı olub

YENİLİK: Gələn ildən şagirdlər buraxılış imtahanında esse yazmayacaqlar

DİM yeni model üzrə keçirilmiş ilk sınaq imtahanlarının nəticələrini AÇIQLADI

Ücretsiz php script indir film izle hd film izle ikinci el eşya alanlar shell indir hacklink satışı
SON XƏBƏRLƏR
2018-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ

Seyran Səxavət Vaqif Səmədoğluna:

- Vaqif, yetmiş beş yaşın tamam olur , bu kasıb şairləri yığ sənin bu yubileyini bir yaxşıca yuyaq.

Vaqif Səmədoğlu:

- Seyran, inşallah, bu yaxınlarda yığışıb mənim özümü yuyarsınız, sonra da ehsan veriləndə babat yeyib-içərsiniz.





digər lətifələr
ARXİV
FACEBOOK