adalet.az header logo
  • Bakı 12°C
  • USD 1.7
04 Iyul 2018 17:02
16508
MƏDƏNİYYƏT
A- A+

Musiqili Teatr 108-cimövsümün ən yaxşılarını mükafatlandırıb

108-ci mövsümün yekunlaşması ilə əlaqədar olaraq Azərbaycan Dövlət Musiqili Teatrında mükafatlandırma mərasimi olub.

Teatrın mətbuat xidmətindən Adalet.az-a bildirilib ki, Əməkdar artist Pərviz Məmmədrzayev- "Ən yaxşı kişi roluna görə”, Gülnarə Abdullayeva - "Ən yaxşı qadın roluna görə”, Əməkdar incəsənət xadimi Mehriban Ələkbərzadə - "Mövsümün ən yaxşı rejissor işinə görə”, Elnarə Nağdəliyeva - "Mövsümün sevilən aktrisası”, Nicat Əli (Həbibov) - "Mövsümün sevilən aktyoru”, Gülnarə Əzizova - "Mövsümün məhsuldar aktyoru”, Nərgiz Kərimova - "Bərpa tamaşasında uğurlu roluna görə”, Roman Krasnov - "Mövsümün ən yaxşı balet artisti”, Təranə Əliyeva - "Mövsümün ən yaxşı xor artisti”, Yusif Hüseynov - "Mövsümün ən yaxşı musiqiçisi”, Fəridə Aslanova - "Mövsümün ən işgüzar əməkdaşı”, Hüseyn Nağıyev - "Mövsümün ən yaxşı uşaq roluna görə”, Tamilla Sadıqova - "Teatrın dostu”, Kəmalə Novruzova - "Mövsümün ən yaxşı texniki işçisi” nominasiyaları üzrə qalib olub. Həmçinin Əsgər Əsgərovun quruluşunda özbək yazıçısı İbrahim Sadıqovun "Molla Nəsrəddinin beş arvadı” komediyası - "Mövsümün ən yaxşı tamaşası” seçilib.

Azərbaycan Respublikasınınxalq artisti Fatma Mahmudova və Əməkdar artist Almaz Ələsgərova Xalq artisti Hüseynağa Sadıqov adına "Büllur alma” mükafatına layiq görülüblər.Qaliblərə xüsusi prizlər və mükafatlar verilib.

Qeyd edək ki, bu təqdirəlayiq ənənənin əsası 3 il öncə – 105-ci teatr mövsümünün yekununda qoyulub. Mükafatın təsisçiləri Musiqili Teatr və qurumun Həmkarlar İttifaqıdır.