ANA SƏHİFƏ / ELM VƏ TƏHSİL

BANM və BMT-nin UNITAR təşkilatı arasında memorandum imzalandı

5523    |   2018-06-22 11:26
Şriftin ölçüsü:
A+ Böyütmək
A+ Balacalaşdır

Bakı Ali Neft Məktəbinin (BANM) rektoru Elmar Qasımov BMT-nin Təlim və Tədqiqat İnstitutu (UNITAR) və BANM arasındakı əməkdaşlığın reallaşdırılması məqsədilə Cenevrəyə səfər edib.

Ali Məktəbdən Adalet.az-a verilən məlumata görə, ölkəmizin Cenevrədəki BMT bölməsi və digər beynəlxalq təşkilatlar yanında Daimi Nümayəndəliyinin irəli sürdüyü bu əməkdaşlıq təşəbbüsü UNITAR tərəfindən həyata keçirilən "Nigeriyanın neft və qaz sənayesində kadr potensialının gücləndirilməsi” layihəsi üzrə on beş nəfər Nigeriyalı tələbənin 2018 - 2022-ci tədris illəri müddətində BANM-da bakalavr dərəcəsi üzrə BMT-nın ayırdığı təqüdlərin hesabına təhsil almasını nəzərdə tutur.

Bu məqsədlə iyunun 19-da BMT-nin Cenevrə Bölməsinin yerləşdiyi Millətlər Sarayında BANM-ın rektoru Elmar Qasımov və UNITAR-ın icraçı direktoru, BMT-nin baş katibinin müavini Nikhil Set tərəfindən UNITAR ilə BANM arasında Əməkdaşlıq haqqında Memorandum imzalanıb.

İmzalanma mərasimində ölkəmizin Cenevrədəki daimi nümayəndəsi səfir Vaqif Sadıqov, Nigeriyanın daimi nümayəndəsi səfir Audu Kadiri, BANM-ın prorektoru Rəşad Həsənov, UNITAR-ın proqram rəhbəri Aleksandr Mexiya və ölkəmizin Cenevrədəki daimi nümayəndəliyində attaşe Cavid Sadıqov iştirak ediblər.

Memorandumun əsas məqsədi Nigeriyadan olan on beş tələbənin Azərbaycanda "Neft-qaz mühəndisliyi” ixtisası üzrə təhsil alması və Nigeriyanın neft sektoru üçün yararlı mütəxəssis kimi yetişdirilməsini təmin etməkdən ibarətdir. Anlaşma memorandumunun şərtlərinə əsasən BANM və UNITAR arasında eyni zamanda görüşlərin və seminarların təşkil olunması, birgə layihələrin reallaşdırılması, qarşılıqlı maraq dairəsində olan sahələrin birgə öyrənilməsi, mütəxəssislərin təmin olunması və hər iki tərəfin razılığı ilə nəzərdə tutulmuş digər fəaliyyətlərin həyata keçirilməsi nəzərdə tutulur.

Qeyd edək ki, layihənin nəticəsi olaraq on beş tələbə 5 il müddətində "Neft-qaz mühəndisliyi” ixtisasında nəzəri və praktiki biliklərə yiyələnəcək və sonda lazımi kreditləri toplayaraq BANM-ın diplomunu əldə edəcəklər.

1963-cü ildə təsis olunmuş Təlim və Tədqiqatlar İnstitutu BMT-nin ixtisaslaşdırılmış təlim qurumu olaraq, müxtəlif növ diplomatik təlim kurslarının keçirilməsi vasitəsilə həm BMT-nin səmərəliliyinin artırılması, həm də ictimai məlumatlandırma, təhsil və dövlət idarəçiliyində çalışan məmurların təlimi vasitəsilə BMT-nin üzv dövlətlərinin milli səviyyədə apardıqları işinin gücləndirilməsinə xidmət edir. İnstitut həmçinin BMT-nin üzv dövlətlərinə innovativ tədris yanaşmaları və üsulları təqdim edir, onların müraciətləri əsasında tətbiqi tədqiqatlar aparır.

Azərbaycanın yeni texnologiyalar üzrə aparıcı təhsil ocaqlarından biri olan BANM-da ölkəmizin müasir dövründə ilk dəfə olaraq BMT təqaüdçülərinin oxumağı dövlətin təhsil sahəsinə verdiyi yüksək diqqətin beynəlxalq səviyyədə müsbət qiymətləndirilməsinin, eləcə də əvvəlki onilliklər ərzində xarici ölkələr üçün Azərbaycanda mövcud olmuş elmi-texniki kadrların hazırlanması ənənələrinin tədricən bərpa olunmasının əyani göstəricisidir.




İmza:

700 bal toplayanlara UNEC-də ikinci ixtisas ödənişsiz olacaq

“UNEC-in ikinci əlaçı təqaüdü təhsilimizə, inkişafımıza investisiya etmək şansı verdi” - MÜSAHİBƏ

Bakı Ali Neft Məktəbində nazirliklə birgə təqdimat keçirilib

Olimpiada qalibləri UNEC-in xüsusi təqaüdünü qazanacaq

Tələbələrin köçürülmə və yerdəyişməsinin nəticələri bu ayda açıqlanacaq

Nazir müavini: “Buraxılış siniflərində imtahan nəticələri 4,75 faiz yaxşılaşıb”

BANM-ın tələbələri Petkimdə işə və təcrübəyə başlayır

BANM-da ilk MBA proqramına qəbul 100% oldu

Magistratura üzrə respublika 1-cisi: “Təhsilimizi UNEC-də davam etdirmək uğurlu olacaq”

UNEC-in dissertantı Gəncə hadisələrini pislədi: “Gənclər bilməlidirlər ki…”

QUZU KƏSƏRƏM BELƏ TƏHSİLƏ

Gənc müəllim: “Hər iki universitet öz ölkəsində ən yaxşısıdır” - MÜSAHİBƏ

Müəllimlərin nəzərinə: Nazirlik vakant yerlərin sayını açıqladı

BANM-ın 15 məzunu SOCAR-ın Kompleks Qazma Trestində işə başlayıb

UNEC-n Zaqatala filialında təhsil haqları azaldılıb

"BANM-a qəbul olmağım həyatımda dönüş nöqtəsi oldu"

UNEC-in gənc müəllimi ABŞ universitetində tədqiqat aparır

BANM-ın məzunları Karbamid zavodunda işə başladılar

Magistratura üzrə respublika 1-cisi: “Təhsilimizi UNEC-də davam etdirmək uğurlu olacaq”

BANM-ın tələbələri Petkimdə işə və təcrübəyə başlayır

UNEC-in dissertantı Gəncə hadisələrini pislədi: “Gənclər bilməlidirlər ki…”

Tələbələrin köçürülmə və yerdəyişməsinin nəticələri bu ayda açıqlanacaq

SON XƏBƏRLƏR
2018-07-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Bir məşhur həkim öz işini oğluna tapşırır. Oğlu işdən evə sevinclə qayıdaraq deyir:
- Ata, sənin 30 ildir müalicə edə bilmədiyin xəstəni mən bir günə müalicə etdim.
Atası əsəbiləşərək deyir:
- Sən nə etdin?! Mən 30 ildir ailəmi o xəstənin hesabına saxlayıram.




digər lətifələr
ARXİV
FACEBOOK