Ücretsiz php script indir ikinci el eşya alanlar hack forumu Orkide hack forum Adalet.az | “Bakı Ali Neft Məktəbi uğurlarımın təməlini qoydu” – MÜSAHİBƏ Adalet.az | “Bakı Ali Neft Məktəbi uğurlarımın təməlini qoydu” – MÜSAHİBƏ Adalet.az | Ədalət -
ANA SƏHİFƏ / MÜSAHİBƏ

“Bakı Ali Neft Məktəbi uğurlarımın təməlini qoydu” – MÜSAHİBƏ

27280    |   2018-06-13 10:42
Şriftin ölçüsü:
A+ Böyütmək
A+ Balacalaşdır

5 il bundan öncə 667 balla Bakı Ali Neft Məktəbinin (BANM) "Neft-qaz mühəndisliyi” ixtisasına qəbul olmuş Camal Əhmədov Ali Məktəbi uğurla bitirərək ABŞ-ın Luiziana Universitetinin də eyni adlı ixtisasının magistratura pilləsinə ödənişsiz, həmçinin yüksək təqaüdlə qəbul alıb. Camalla olan müsahibəni təqdim edirik.

-Camal, bilirik ki, BANM-a daxil olub orada oxuya bilmək bir tələbə üçün böyük uğur sayılır. Siz isə BANM-ı bitirib növbəti uğura imza atırsız – magistratura pilləsi üçün ABŞ-ın Luiziana Universitetinə təqaüd alaraq qəbul olmusuz. Bu uğurları necə əldə edirsiz?

- Mənə görə, uğurun əsas səbəblərindən biri insanın ətrafıdır. Ətrafınızda daima öz üzərində çalışan və hədəflərini yüksək tutan insanlar olduqda, siz də onlardan geri qalmamağa çalışırsınız. Bu baxımdan ailə, məktəb və universitet mühitində əlaqədə olduğum insanlar mənə hər zaman daha yaxşı nəticələr əldə etmək üçün motivasiya mənbəyi olublar. Bundan başqa, düzgün vaxtda düzgün yerdə olmağı bacarmaq, qarşınıza çıxan fürsətləri dəyərləndirmək və dəyərli insanlarla əlaqədə olmaq da vacibdir. Bu nöqteyi nəzərdən BANM mənim uğurlarımın təməlini qoydu deyə bilərəm. Nailiyyətimə görə mən həmçinin ailəmə, Ali Məktəbin rektoru Elmar Qasımova, professor və müəllimlərimə, həmçinin BANM-ın yaxın əməkdaşlıq etdiyiNeft-qaz Mühəndisləri Cəmiyyətinin nəzdində olan Gənc İstedadlar Proqramının rəhbəri Elşən Rzayevə öz təşəkkürümü bildirmək istəyirəm.

-Siz və ailəniz BANM-a daxil olanda, yoxsa Luiziana Universitetinə daxil olduğunuzu biləndə daha çox sevinmişdiz?

- O dövrdən indiyə kimi bir çox şey dəyişib. İnsanın hədəfləri və gözləntiləri daima dəyişir. Ona görə də, iki fərqli şəxsiyyətin sevinc hissini müqayisə etmək çətindir. Ailəm isə hər zaman hər bir uğurumu böyük sevinclə qarşılayıb.

-ABŞ-da magistraturanı bitirdikdən sonra vətənə qayıdacaqsız, yoxsa həyatınızı və karyeranızı Azərbaycandan kənarda planlayırsız?

- Hal-hazırki məqsədim magistratura pilləsini də BANM-da olduğu kimi uğurla başa vurmaqdır. Yalnız təhsilimi tamamladıqdan sonra, mümkün olan təklifləri dəyərləndirib qərarımı ona görə verəcəm.

-Siz bakalavrı bitirdikdən sonra yenə də magistraturada eyni adlı ixtisası seçmisiz. Mühəndisliyə sevgi sizdə hardandı?

- Məktəb illərindən texniki fənlərə maraq göstərmişəm və buna görə də mühəndislik oxumaq qərarına gəldim.Əlbəttə ki, BANM-da əldə etdiyim bilik, bacarıqlar və zəngin praktiki təcrübə bu sahəyə olan marağımı daha da artırdı. Bundan başqa, xarici şirkətlərdə keçdiyim təcrübələr və apardığım elmi-tədqiqat işləri də karyeramı neft-qaz mühəndisliyi sahəsində davam etdirmək istəyimi qətiləşdirdi.

-Camal, niyə işləməyi deyil, təhsilinizi davam etdirməyi üstün tutdunuz?

- Müşahidələrimə əsasən, insan işlədiyi zaman özünü bəzi aspektlərdə limitləməli olur. Şəxsi hədəflərimi nəzərə alaraq bu seçimi etdim. Luiziana universitetində görəcəyim elmi-tədqiqat işinin və yeni bir ölkədə yaşamağın mənə həm akademik, həm də fərdi üstünlüklər qazandıracağına inanıram.

-Artıq beşinci kursun son dövrünü yaşayırsız, tezliklə məzun olacaqsız. BANM-ın məzunu olmaq necə bir hissdir?

- İnanmaq çətin olsa da, uzun bir yolun sonundayıq artıq. BANM mənim üçün ildən ilə doğmalaşan və hər il daha sıx bağlandığım bir yerdir, buna görə də ayrılmaq çətindir. Digər tərəfdən isə, BANM-dan məzun olmağın verdiyi fərəh və qürür hissləri var. BANM mənim üçün hər zaman xoş xatirələrlə vərəqləyəciyim bir həyat səhifəsi olaraq qalacaq.




İmza:

Tanınmış karikaturist: Dindarlardan hədə-qorxu mesajları alırıq... - MÜSAHİBƏ

Vidadi Həsənov YUĞ-dan çıxarılan aktyor barədə : "Bunlar hamısı boş şeylərdir"

YUĞ-dan çıxarılan rejissor "Ədalət"ə danışdı : "Bu məsələni belə qoymayacam!" - EKSKLÜZİV

Xəyanət videolarını paylaşanlara nə ad verək? - SORĞU

Qan Turalı: - “Mənim təbəssümüm də qalmaqaldır” - MÜSAHİBƏ

“Səni görüm parlamentdə sətəlcəm olasan, sonra da səsin batsın” - MÜSAHİBƏ

Azərbaycanlı fotoqraf : “ Afrikada ölənləri vəhşi heyvanlara yedizdirirlər” - MÜSAHİBƏ

“Mehman Hüseynovun mayor rütbəli qardaşı var” - Hüquq müdafiəçisindən şok açıqlama

Tanınmış futbol jurnalisti: “Qurban Qurbanov çox böyük səhv etmişdi...” - MÜSAHİBƏ

Ədəbiyyatdan əlinizi üzün - Abbas Kiyarüstəmi ilə müshaibə

Fuad Muradov: “Diaspor təşkilatlarının fəaliyyətində yeni mərhələ başlayıb” - MÜSAHİBƏ

“O, mənə ürəyini açandan iki saat sonra şəhid oldu...” - Cərrah qadın...

SON XƏBƏRLƏR
2019-01-18
2019-01-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Neftçi"?

"Qarabağ" (80.19%)
"Neftçi" (19.81%)

ÇOX OXUNAN
GÜNÜN LƏTİFƏSİ

Hidayət Elvüsal həkimə gedir. Həkim onu müayinə edəndən sonra bir neçə dərman yazır və deyir ki, bu dərmanları gündə beş dəfə yeməkdən sonra atarsan.

Hidayət müəllim:

- Rəhmətliyin oğlu, gündə beş dəfə yemək tapsaydım ta niyə xəstələnirdim ki?





digər lətifələr
ARXİV
FACEBOOK