Qol.az-ın xarici KİV-ə istinadən yaydığı xəbərə görə, təcrübəli mütəxəssis qeyd edib ki, Rusiya yığmasının ev sahibliyi edəcəyi mundialdakı ilk hədəfi 1/8 finala adlamaqdır:

"Braziliya və Almaniya kimi komandaların 2 hədəfi olur. Birincisi, qrupdan çıxmaq, daha sonra da finala doğru irəliləmək. Bizim də dünya çempionatındakı ilk hədəfimiz qrupdan çıxmaqdır.

Bəzən müdafiədə, yaxud hücumda oyunumuz istədiyimiz kimi alınmır. Amma vəziyyətin yaxşıya doğru dəyişəcəyinə inanırıq.

Bizim devizimiz "Azadlıq, amma məsuliyyət”dir. Çünki azad olmayan insan özünü göstərə bilməz.

İlk rəqibimiz Səudiyyə Ərəbistanıdır. Bu komanda haqda kifayət qədər məlumatımız var.

Rəqib heç də zəif deyil. Çünki 6 futbolçuları İspaniyaya üz tutub. Baş məşqçi Çilidən olduğu üçün elə çilililər kimi oynayırlar. Bizi asan oyun gözləmir. Bununla belə, məqsədimiz qələbə qazanmaqdır”.