Türkiyədən PKK-ya zərbə - 21 terrorçu məhv edildi
Türkiyə İraqın şimalında PKK terrorçularına qarşı hərbi əməliyyatları davam etdirir. PKK-nın əsas yuvası olan Qəndil şəhərinə hava zərbələrindən sonra, İraqın şimalındakı Bəstlər-Dərələrə və Hakurk bölgəsində də zərbələr endirilib. Nəticədə 9 terrorçu məhv edilib.
Adalet.az "Anadolu" agentliyinə istinadən xəbər verir ki, bununla da, Türkiyə hərbi hava qüvvələrinin İraqın şimalındakı əməliyyatlarında zərərsizləşdirilən PKK terrorçularının sayı 21-ə çatıb. Hakurkda həmçinin, terrorçuların sığınacaqları və silah-sursat anbaları da hədəfə alınaraq məhv edilib.
Qeyd edək ki, Türkiyə Silahlı Qüvvələri (TSQ) təqribən 3 aydır davam edən əməliyyatlar nəticəsində İraqın şimalındakı 400 kilometr ərazini PKK terrorçularından təmizləyib. Hərbi əməliyyatlarda 11 martdan bu günədək 180-nə yaxın terrorçu məhv edilib.
İraqın şimalındakı əməliyyatların başlıca məqsədi Türkiyə sərhədlərinin təhlükəsizliyini təmin etmək, PKK terrorçularının həmin ərazilərdəki sığınacaqlarını dağıtmaq, onların Türkiyə ərazisinə keçmələri, həmçinin silah-sursat ötürmələrinin qarşısını almaqdır.
Digər Xəbərlər
18 Aprel 2024 18:37
ABŞ İrana qarşı sanksiyaları genişləndirib
18 Aprel 2024 18:09F-16 qırıcısı yaya qədər Ukraynaya verilə bilər
18 Aprel 2024 16:56İran İsrailə hücumda köhnəlmiş raketlərdən istifadə edib
18 Aprel 2024 15:43İran əməliyyatdan 72 saat əvvəl Bakıya məlumat verib - Nazir AÇIQLADI
18 Aprel 2024 15:20