Bilik Fondu “Kaspi” liseyində müsabiqə qaliblərini mükafatlandırdı
Azərbaycan Respublikasının Prezidenti yanında Bilik Fondunun təşkilatçılığı ilə "Kaspi” liseyində "Azərbaycan Xalq Cümhuriyyəti haqqında bildiklərimiz” mövzusunda keçirilmiş bilik müsabiqəsinin qalibləri mükafatlandırılıb.
Müsabiqə 2018-ci ilin "Azərbaycan Xalq Cümhuriyyəti İli” elan olunması ilə əlaqədar olaraq Bilik Fondunun "Cümhuriyyət tariximiz qürurumuzdur” layihəsi çərçivəsində keçirilib.
"Kaspi” liseyinin (Xətai) direktoru Asif Əzizov iştirakçıları Cümhuriyyətin 100 illiyi münasibəti ilə təbrik edərək məktəblilərin əldə etdikləri uğurlardan bəhs edib. Direktor belə müsabiqələrin keçirilməsinin Cümhuriyyət tariximizin daha dərindən mənimsənilməsinə yardım etdiyini, həmçinin gənclər üçün stimullaşdırıcı rol oynadığını da əlavə edib.
Mərasimdə iştirak edən Bilik Fondunun icraçı direktoru Oktay Səmədov cəmi 23 ay ömür sürmüş Cümhuriyyətimizin şərəfli tarixindən söz açılıb, Ümummilli lider Heydər Əliyevin və Azərbaycan Prezidenti İlham Əliyevin Cümhuriyyət qurucularına böyük ehtiramından danışıb. O.Səmədov "Azərbaycan Xalq Cümhuriyyəti haqqında bildiklərimiz” mövzusunda bilik müsabiqəsinin ümumrespublika səviyyəsində keçirildiyini və müsabiqəyə orta məktəblərlə yanaşı, kolleclərin, ali təhsil ocaqlarının da qatıldığını vurğulayıb. Bilik Fondunun həyata keçirdiyi maarifləndirici layihələrdən söhbət açan icraçı direktor şagirdləri bundan sonra da belə layihələrə qoşulmağa səsləyib.
Müsabiqənin qaliblərinə Bilik Fondunun diplomları və Cümhuriyyət tarixindən bəhs edən kitab hədiyyələri təqdim olunub.
"Kaspi” liseyinin şagirdləri vətənpərvərlik ruhlu şeirlər səsləndiriblər.
Digər Xəbərlər
20 Aprel 2024 10:36
Xınalığa dolu düşüb - FAKTİKİ HAVA
18 Aprel 2024 10:58Naxçıvanın su ehtiyatlarının həcmi açıqlandı
18 Aprel 2024 10:13Şənbə günü Bakıda iməcilik keçiriləcək
17 Aprel 2024 12:56Sabah 28° isti olacaq
17 Aprel 2024 12:24