ANA SƏHİFƏ / İQTİSADİYYAT

200 manatlıq pul nişanı ABŞ-da təqdim olunub

7544    |   2018-05-31 17:49
Şriftin ölçüsü:
A+ Böyütmək
A+ Balacalaşdır

Azərbaycan Mərkəzi Bankı tərəfindən 200 manatlıq pul nişanının tədavülə buraxılması ilə əlaqədar Bakıda keçirilmiş təqdimatla eyni gündə ABŞ-ın Dallas şəhərində keçirilmiş beynəlxalq konfransda yeni pul nişanının geniş təqdimatı keçirilib.

Mərkəzi Bankdan Adalet.az-a verilən məlumata görə, konfransda Mərkəzi Bankın Baş direktoru Akşin Vəliyevin başçılıq etdiyi nümayəndə heyəti yeni pul nişanının dizaynı və istehsalını həyata keçirmiş ABŞ-ın "Crane Currency” və Almaniyanın "Giececke+Devrient” şirkətləri ilə birgə 200 manatlıq pul nişanını konfrans iştirakçılarına təqdim edib.

Təqdimatda pul nişanının yaradılması, o cümlədən dizaynı, təhlükəsizlik konsepsiyası və istehsal mərhələləri ilə bağlı konfrans iştirakçılarına ətraflı məlumat verilib, yeni pul nişanında tətbiq olunmuş ən müasir texnologiyalar nümayiş etdirilib.

Ümumilikdə 70-dək mərkəzi bankdan və 150 beynəlxalq təşkilatdan 750 nümayəndənin iştirak etdiyi konfransda 200 manatlıq pul nişanı ilə yanaşı bir sıra ölkələrin, o cümlədən Avstraliya, İsrail, Meksika, Rusiya, Qırğızıstan və Madaqaskarın yeni seriya banknotları da təqdim olunub.

Azərbaycanın 200 manatlıq pul nişanı öz dizaynı və təhlükəsizlik konsepsiyasına görə ekspertlər tərəfindən ümumilikdə təqdim olunmuş 30 banknot içərisində ən yaxşı beş banknotdan biri kimi qiymətləndirilib və növbəti ildə Dubay (BƏƏ) şəhərində keçiriləcək beynəlxalq Nağd Pul Konfransında "Ən yaxşı dizayn və mühafizə sistemlərinə malik banknotlar” üzrə nominasiya müsabiqəsinə təqdim edilib.

Konfransın gedişində 200 manatlıq pul nişanının hazırlanması zamanı tətbiq olunan ən son mühafizə texnologiyalarının, onların seçim proseslərinin və ümumi dizayna inteqrasiyasının geniş marağa səbəb olması ilə əlaqədar iştirakçıların müraciətləri nəzərə alınaraq əlavə panel görüşlər keçirilmiş, konfransın təşkilatçıları - "Currency Research”, "Beynəlxalq Nağd Pul Assosiasiyası”, "Beynəlxalq Banknot Dizaynerləri Assosiasiyası”, müxtəlif banknot çapı şirkətləri və digər təşkilatların rəhbərləri, eləcə də Mərkəzi Bankların nümayəndələri ilə müzakirələr aparılıb.

Yeni pul nişanının təqdimatı barədə məlumatlar bir sıra xarici xəbər portallarında (ABŞ, Böyük Britaniya və Almaniya) öz əksini tapıb və eləcə də, konfransın işıqlandırılmasını həyata keçirən beynəlxalq jurnallar, o cümlədən "Currency News” (ABŞ), "Watermark” (Rusiya), "Banknote Industry News” (Almaniya), "Banknote News” (Böyük Britaniya) və s. jurnallar tərəfindən geniş məlumatlar götürülüb.




İmza:
SON XƏBƏRLƏR
2018-07-19
2018-07-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Zakir Fəxri təyyarə ilə Moskvaya uçur, yanında sarışın, qəşəng bir qız oturub. Zakir qıza deyir ki, yol uzaqdı, gəl növbə ilə bir-birimizə sual verək, sən tapmasan mənə 5 dollar verərsən, mən tapmasam sənə 500 dollar verərəm. Qız razılaşır. Zakir:
- Yerlə ayın arası neçə metrdi?
Qız deyir bilmirəm və çıxarıb 5 dollar verir. Sonra
- O kimdir ki, dağa üç ayaqla çıxır, dörd ayaqla düşür?
Zakir çox fikirləşir, dostlarına zəng vurur, cavabı tapa bilmir və qıza 500 dollar verir. Sonra soruşur ki, yaxşı doğrudan maraqlıdı, o kim idi?
Sarışın qız sakitcə çıxarıb Zakirə beş dollar verir və deyir, ki, heç mən də bilmirəm.




digər lətifələr
ARXİV
FACEBOOK