Türkiyə səfiri ADU-ya gəldi - FOTO
Mayın 16-da Azərbaycan Dillər Universitetinin (ADU) rektoru, AMEA-nın həqiqi üzvü Kamal Abdulla Türkiyənin Azərbaycandakı fövqəladə və səlahiyyətli səfiri Ərkan Özoralla görüşüb.
Adalet.az xəbər verir ki, qonağı salamlayan rektor Kamal Abdulla Ərkan Özoralı ADU-da görməkdən məmnun olduğunu bildirib. Ümummilli lider Heydər Əliyevin anadan olmasının 95-ci ildönümünə həsr olunmuş "Heydər Əliyev: multikulturalizm və tolerantlıq ideologiyası” adlı I Beynəlxalq elmi konfrans haqqında məlumat verən Kamal Abdulla konfransın bölmə iclaslarının Türkiyənin Atatürk və Ərciyəs universitetlərində də yüksək səviyyədə baş tutduğunu bildirib, qardaş ölkəyə minnətdarlığını çatdırıb. Kamal Abdulla Türkiyə universitetləri ilə ADU arasında əlaqələrin daha da güclənməsi, qarşılıqlı faydalı əməkdaşlığın genişləndirilməsi üçün səylərin artırılmasının vacib olduğunu deyib. Kamal Abdulla Ərkan Özoralı "Səfir saatı” layihəsi çərçivəsində ADU tələbələrinə mühazirə deməyə dəvət edib.
Yüksək qonaqpərvərliyə görə ADU rəhbərliyinə təşəkkürünü bildirən səfir Ərkan Özoral səslənən təklifləri müsbət qarşıladığını söyləyib, əlaqələrin daha da güclənməsi üçün mühüm addımlar atmağın vacibliyindən danışıb, münasibətlərin daha yüksək səviyyəyə çatması üçün əlindən gələni etməyə hazır olduğunu vurğulayıb.
Digər Xəbərlər
23 Aprel 2024 18:53
Magistraturaya ikinci cəhd qəbul imtahanı keçiriləcək
23 Aprel 2024 16:57Avtomatı gözübağlı söküb-yığan məktəbli təltif edilib
23 Aprel 2024 16:28Azərbaycan Prezidenti: “Gənc nəslin təhsili əsas prioritetlərimizdən biridir”
22 Aprel 2024 12:26Magistr olmaq istəyənlərin NƏZƏRİNƏ!
19 Aprel 2024 17:35