MÜQƏDDƏS KİTABDA YAZILIB: «FUTBOLA GETMƏK QADAĞANDI!»
Səmavi kitablarda Allah bizə nələri qadağan edib: şərab içmə –içirik; rüşvət alma – alırıq; oğurluq etmə – edirik; kasıbın malına göz dikmə – dikirik; zina yapma – yapırıq; ürəyini Allahla düz tut – tutmuruq; Allahın yaratdığını öldürmə – öldürürük; xalqın malına kəc baxma – baxırıq; donuz əti yemə – yeyirik; namaz qıl – qılmırıq; fitrə-zəkat ver – vermirik; yalan danışma – danışırıq və sair və ilaxır. Yəni müqəddəs kitablarda yazılanların tərsinə gedirik.
Deyirəm, kaş müqəddəs kitabımızda belə bir ayə də olardı - «Futbola getməyin, günahdı».
Stadionlarımız dolub-daşardı. Bilet üstə baş yarılardı.
Bəlkə, ilahiyyatçılarımız Azərbaycan futbolunun xətrinə heç olmasa belə bir hədis yaradalar.
Yeri gəlmişkən, birini mən deyim . Filan peyğəmbər görür ki, çox böyük bir qələbəlikdi, hətta dava-dalaşdı , soruşur ki, nə olub. Deyirlər ki, futbol olacaq, bilet üstündədi dava.
Peyğəmbər buyurur:
- Futbol oynamaq və futbola baxmaq ən böyük günahdı. Futbolu allahsızlar, bütpərəst, qədim hindlilər kəşf edib, cin-şeytan işidi. İyirmi iki nəfər yarıçılpaq çıxır və adamları başdan edir.
Necə ola bilər ki, Türkiyənin professoru çıxıb televizyonda deyir ki: «Nuh peyğəmbər oğluyla mobil telefonla danışırdı», biz nəsə deyə bilmərik?