Çin də ABŞ-a etiraz etdi
Çin ABŞ prezidenti Donald Trampın İranla nüvə anlaşmasından çıxmaq qərarına təəssüf edir.
Adalet.az xəbər verir ki, bunu Çin Xarici İşlər Nazirliyinin rəsmisi Qen Şuan bu gün keçirdiyi brifinqdə deyib.
O, bildirib ki, Vaşinqtonun qərarına baxmayaraq, rəsmi Pekin bundan sonra da İranla olan nüvə sazişinin tam icrasına davam edəcək.
Çinin İranda rəsmi səfərdə olan Yaxın Şərq üzrə xüsusi nümayəndəsi Honq Syaoşen isə görüşlərdən sonra keçirdiyi mətbuat konfransında nüvə sazişini qüvvədə saxlamağa və fikir ayrılıqlarının dialoq vasitəsilə həllinə çağırış edib. Onun sözlərinə görə, İranla olan nüvə anlaşması nüvə silahlarının yayılmaması üzrə beynəlxalq sistemi dəstəkləməkdə mühüm rol oynayan çox vacib sənəddir.
"İranla nüvə sazişi, xüsusən də, Yaxın Şərqdə sülh və sabitliyə töhfə verir. Məhz buna görə, mövcud sazişin bütövlüyünə riayət olunması vacibdir. İranla nüvə razılaşması heç olmamaqdansa, daha yaxşıdır. Dialoq isə qarşıdurmadan.” - deyə Çin rəsmisi bildirib.
Qeyd edək ki, Çin İranla nüvə sazişini imzalayan altılıq ölkələrindən biridir.
Digər Xəbərlər
20 Aprel 2024 12:01
ABŞ-də ilk: Bayden istehsal olunan uranın miqdarını AÇIQLADI
20 Aprel 2024 10:43Türkiyədə bir gün əvvəl baş verən zəlzələ iri çat yaratdı: Qorxulu görüntülər - VİDEO
20 Aprel 2024 09:37İnsanlar ilk dəfə marallar arasında yayılan “zombi” xəstəliyinin qurbanı oldular
20 Aprel 2024 09:21Quterreşdən Azərbaycan və Ermənistana çağırış
20 Aprel 2024 09:10