Messidən daha bir rekord
"Barselona”nın futbolçusu Lionel Messi daha bir rekorda imza atıb.
Qol.az-ın məlumatına görə, argentinalı hücumçunun rekordu İspaniya La Liqasının 35-ci turunda "Deportivo” ilə oyunda qeydə alınıb.
Çempionluğu rəsmiləşdirdikləri oyunda "Barsa”nın lideri het-trik etməklə bu mövsüm La Liqada vurduğu qolların sayını 32-ə çatdırıb. O, artıq 7-ci mövsümdür 30 qol həddinə çatır. İndiyədək La Liqada bunu bacaran olmayıb.
Qeyd edək ki, Messi 2009/10 (34), 2010/11 (31), 2011/12 (50), 2012/13 (46), 2014/15 (43) və 2016/17 (37) mövsümündə 30-dan çox qol vurub.