adalet.az header logo
  • Bakı 12°C
  • USD 1.7
18 Aprel 2018 17:52
6989
GÜNDƏM
A- A+

Prezident “Gənclərin hamisi” Fəxri Nişanı ilə təltif olundu

İƏT Gənclər Forumunun Beynəlxalq İdarə Heyətinin yekdil qərarı ilə Azərbaycan Respublikası Prezidenti İlham Əliyev"Gənclərin hamisi” Fəxri Nişanıilə təltif edilib.

Nişan, Bakıda keçirilən İƏT Gənclər və İdman nazirləri 4-cü Konfransının iştirakçılarının Azərbaycan Respublikası Prezidenti tətəfindən rəsmi qəbulu zamanı ölkə başçısına təqdim edildi.

Mükafat haqda məlumat verən İƏT Gənclər Forumunun Fələstindən olan İdarə Heyətinin üzvü Mazin Mahmud Əbdülrəhim bildirdi ki, "Gənclərin hamisi” Fəxri Nişanıilə İƏT ölkələri gənclərinin hərtərəfli inkişafı və yetişdirilməsi, dəstəklənməsi istiqamətində göstərdiyi fövqəladə və müstəsna xidmətlərə görə İƏT dövlət başçıları, tanınmış dövlət və ictimai xadimləri mükafatlandırılır.

"Gənclərin hamisi” Fəxri Nişanı2016-cı ilin aprelində İƏT Gənclər Forumunun təşəbbüsü ilə İstanbulda 40 İƏT ölkəsinin iştirakı ilə keçirilmiş"1-ci İƏT Gənc Liderlər Sammiti”nin (İƏT Dövlət Başçıları Sammitinin rəsmi gənclik proqramı) qərarı ilə təsis edilib. Ötən müddətdə mükafatın Əsasnaməsi və təltif qaydaları, eləcə də dizaynı beynəlxalq müsabiqə vasitəsilə qəbul edilib.

Qeyd edək ki, Azərbaycan Respublikası Prezidenti İlham Əliyev bu mukafatın təqdim olunduğu ilk şəxsdir.

İƏT Gənclər Forumu İdarə Heyətinin qərarında qeyd olunur ki, Azərbaycan Prezidenti "İƏT gənclərinin institusional formalaşması və İƏT ölkələri gənclərinin inkışafı sahəsində göstərdiyi davamlı dəstəyə ”görə bu fəxri nişanla təltif edilib.

Xatırladaq ki, İƏT Gənclər Forumu 2004-cü ildə Azərbaycanın ev sahibliyi ilə Bakı şəhərində təsis edilib.

2006-cı ildə Azərbaycan Prezidentinin şəxsi iştirakı ilə İstanbulda Baş Qərargahı açılıb.

2010-cu ildə Azərbaycan Hökumətinin dəstəyi və ev sahibliyi ilə Bakıda Forumun Avrasiya üzrə Regional Mərkəzi yaradılıb. İƏT Gənclər Forumunun bir çox beynəlxalq tədbirləri Azərbaycan Hökumətinin dəstəyi ilə Bakı şəhərində baş tutub.