100 kişidən 2-si, 100 qadından isə 1-i qadın xəyanətinə haqq qazandırır
Xəyanət deyəndə əsasən kişilərin xəyanəti ağıla gəlir. Amma bu gün kişi xəyanəti qədər qadın xəyanəti də var. Bəs, cəmiyyət qadın xəyanəti barədə nə düşünür ? Bu sualla 400 Bakı sakininə müraciət etdik.
Rəyi öyrənilmişlərin böyük əksəriyyəti xəyanəti zərif cinsə yaraşdırmır (96 %). Xüsusilə qadınlar həmcinslərinin xəyanətinə pis yanaşır (98 %). Kişilərin isə 94 %-i qadın xəyanətinə qarşıdır.
3 % respondent üçün hər şeydən öndə şərait və şərtlər gəlir. Xüsusilə kişilər qadınların xəyanətini vəziyyətə görə dəyərləndirməyin tərəfdarıdır (4 %).
Xanımların xəyanətinə müsbət yanaşanlar cüzi də olsa, var (1 %). Qadınların 1%, kişilərin isə 2%-i xanımların xəyanətini yaxşı qarşılayır.
Sorğu 10-17 yanvar tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir