Ücretsiz php script indir ikinci el eşya alanlar hack forumu Orkide hack forum Adalet.az | “HR üzrə peşəkarlar hər bir müəssisənin işinin irəli aparılmasında mühüm rol oynayır” Adalet.az | “HR üzrə peşəkarlar hər bir müəssisənin işinin irəli aparılmasında mühüm rol oynayır” Adalet.az | Ədalət -
ANA SƏHİFƏ / MÜSAHİBƏ

“HR üzrə peşəkarlar hər bir müəssisənin işinin irəli aparılmasında mühüm rol oynayır”

33499    |   2018-04-06 15:32
Şriftin ölçüsü:
A+ Böyütmək
A+ Balacalaşdır

"İşə götürdüyünüz insanlar çox ağıllı və zəruri vərdişlərə malik ola bilər. Lakin onlar sizin işə inanmırlarsa, gerçəkdən işləməyəcəklər...”

Facebook sosial şəbəkəsinin yaradıcısı Mark Tsukerberq

Hazırda HR (insan resursları) hər bir təşkilatın strukturuna daxil olan ən önəmli bölmələrdən biridir. Bazar rəqabətinin ən yüksək səviyyəyə çatdığı bir dövrdə insan resurslarına önəm verməyən müəssisə və təşkilatlar tənəzzülə və reqres inkişafa məhkumdur. Ona görə də, müasir dövrdə hər bir müəssisə və təşkilatda HR ilə məşğul olan peşəkar kadrların olması vacibdir. HR işinə böyük önəm verən şirkətlərdən biri də "AtaHolding”-dir. Şirkətin İnsan Resurslarının idarə edilməsi üzrə məsul şəxs Fərid Məlikzadə ilə görüşüb insan resursları sahəsində fəaliyyət və bu sahədə aktual məqamlardan danışdıq. Müsahibəni nəzərinizə çatdırırıq.

Fərid müəllim, Azərbaycanda kütləvi oxucu üçün HR termini nisbətən təzədir. Siz bunu necə izah edərdiniz, sizcə, HR nədir?

- Bildiyimiz kimi, "Human resources”, yəni insan resursları anlayışı hər hansı bir şirkət və ya müəssisənin xidmət və ya istehsal sahəsində qarşıya qoyulan məqsədlərə və nailiyyətlərə çatması üçün istifadə olunan əsas resurslardan biri olan insan amilini özündə ehtiva edir. Yəni bu halda insan istehsal və ya xidmət prosesinin vacib elementi olmaqla yanaşı, həm də istehsalın yönəldiyi əsas hədəfdir. İnsan resursları şirkət və ya müəssisənin öz daxilində bütün işçiləri əhatə edir. Bu baxımdan insan resurslarının idarə edilməsinin vacibliyi ön plana çıxır. Bu idarəetmə prosesində isə əsas diqqət yenə də bir işçi qüvvəsi kimi insana, onun motivasiyasına, vərdişlərinin, bilik və bacarıqlarının artırılmasına, təkmilləşdirilməsinə yönəlmiş olur. Çox vaxt İnsan Resursları ilə bağlı sahəni və ya hər hansı bir qurumda İnsan Resursları ilə bağlı departamenti kadrlar şöbəsi ilə səhv salırlar. Halbuki İnsan Resursları təkcə ənənəvi kadrlar şöbəsinin indiyədək həyata keçirmiş olduğu işlərlə kifayətlənmir və daha geniş, ətraflı, uzunmüddətli hədəflərə əsaslanan fəaliyyət sahəsidir. Bu baxımdan, İnsan Resursları üzrə mütəxəssislərin hazırlanması və onların peşəkar fəaliyyəti də hər hansı bir müəssisənin işinin irəli aparılmasında mühüm rol oynayır.

- Ümumiyyətlə, bu sahədə təsəvvür qıtlığını aradan qaldırmaq üçün nə etmək lazımdır? Bu sahədə nələri tövsiyə edərdiniz?

- Qeyd etdiyim kimi, HR sahəsi olduqca əhatəli və məsuliyyətli bir sahədir və burada hər hansı şirkət və ya müəssisə daxilində, insan resurslarının planlaması və seçilməsi, bunun üçün lazımlı işlərin təhlili, öhdəliklərin müəyyən edilməsi, işçi qüvvəsinin seçilməsi üçün iş elanlarının verilməsi, iş üçün müraciət edənlərin qəbulu, görüşlərin aparılması, işə uyğunlaşma, təhsil və inkişaf, uğur və iş qabiliyyətinin ölçülməsi, karyerada yüksəliş, işi dəyişmə zamanı sosial mobilliyin təmin edilməsi, işi qiymətləndirmə, əməkhaqqı, iş intizamı, tibbi xidmət və digər məsələlərin bir-biri ilə əlaqələndirilməsini ehtiva edir. Bu baxımdan, HR sahəsi tam və bitkin bir şəkildə başa düşülməli və qəbul edilməlidir. Bununla bağlı ayrıca olaraq müəyyən maarifləndirmə işləri aparıla bilər.

- Hər hansı bir müəssisənin insan resursları siyasətinin əsasını nələr təşkil etməlidir?

- Peşəkar kadrların hazırlanması, onların təkmilləşdirilməsi və daimi motivasiyası, işlərinin keyfiyyətinin yüksəldilməsi və səmərəliliyinin artırılması kimi amillər hər hansı bir müəssisənin kadr siyasətinin əsasını təşkil etməlidir. Bu baxımdan yuxarıda qeyd etdik ki, HR siyasəti işçi personalın fəaliyyətinin qiymətləndirilməsi və fəaliyyət prosedurlarının müəyyən edilməsini yerinə yetirməklə, bir neçə istiqamət və ya göstərici üzrə aparılır. Yəni müəssisənin əsas strategiyasını və fəaliyyət hədəflərini dəstəkləyən HR idarə edilməsi planlarını və siyasətini inkişaf etdirmək üçün strateji məqsədlərin inkişaf etdirilməsinə yardım etmək, potensial işçi mənbələrini müəyyən etmək və seçmək, müəssisənin məqsəd və vəzifələrinin həyata keçirilməsi üçün kadr tələblərinin müəyyən edilməsi, həmçinin HR planının hazırlanması kimi məsələlər bu baxımdan HR siyasətini formalaşdırır.

- Azərbaycanda HR mütəxəssislərinin hazırlıq səviyyəsi ilə bağlı nə deyə bilərsiz?

- Bu sahədə HR sahəsinin bir spesifik sahə kimi inkişaf etməsi və formalaşmasına da ciddi fikir vermək lazımdır. Həmçinin, insan resursları üzrə mütəxəssisin bütün işi insanlarla, onların peşəkar davranışları və inkişaf, iş motivasiyaları ilə bağlıdır, bu isə işçilərlə, insan resursları ilə daimi iş, ünsiyyət tələb edir. Buna görə də bu sahə üzrə mütəxəssis ilk növbədə ünsiyyətcil, insan psixologiyasını dərindən bilən və idarəçilik qabiliyyətinə, vərdişlərinə malik insanlar olmalıdır. HR mütəxəssisi bütün dəyişkən şərait və şərtlərə, hətta, fors-major hallarına belə hazır və çevik olmalı, bu baxımdan yeni və gözlənilməz çağırışlara cavab verməyi bacarmalıdır.

- Ölkəmizdə bu sahəyə aid mütəxəssislərin yetərincə hazırlıqlı və bilikli olması üçün nələri tövsiyə edərdiniz?

- Bu sahədə daim təkmilləşmək üçün ilk növbədə öyrənməyə və bu sahəyə meyilli olmaq, İnsan Resursları fəlsəfəsini yaxşı bilmək, psixologiyanı yaxşı bilmək, insanlarla işləmək qabiliyyəti, istər online, istərsə də xaricdə keçirilən, peşəkarların apardığı təlim kurslarına qatılmaq, tətbiq edilən yeni texnologiyaları və innovativ yanaşmaları mənimsəmək, bu sahədə rəqabətliliyi qorumaq üçün daim nəzəri və praktiki bilik və vərdişlər qazanmaq və digər kriteriyalara malik olmaq lazımdır.

- Nümayəndəsi olduğunuz müəssisədə HR siyasətinin necə həyata keçirildiyi və bu sahədə fəaliyyətiniz barədə nələri oxuculara çatdırmaq istərdiz?

- Təmsil etdiyim müəssisənin missiyası və strategiyasına əsaslanaraq "AtaHolding”in və onun Törəmə Təsərrüfat Cəmiyyətlərinin ardıcıl inkişafını təmin etmək bizim əsas prinsipimizdir. Əlavə olaraq, holdinqdə işçilərin daim yeni biliklər və vərdişlər qazanması, öyrənməsi və təkmilləşməsi məsələsi də daim diqqətimizdədir.Bu məqsədlə hazırlanmış strategiya çox nizamlı şəkildə həyata keçirilir. Əməkdaşlarımzın təkmilləşməsi və peşə təlimi ilə mütəmadi məşğul oluruq, onlar üçün təlim təşkil edilir, həmçinin bu baxımdan təlim materialları da dinamizmə uyğun olaraq daim yenilənir. Bundan başqa, işçilərimizin motivasiyası üçün müxtəlif üsullardan, onlar üçün tibbi sığorta, təlim haqqının ödənilməsi, mükafatlandırmalarvə ən əsası korporativ kommunikasiyanı gücləndirmək və işçilərin motivasiyasını yüksəltmək məqsədilə mütəmadi olaraq tədbirlərin təşkil edilməsi və digər formalardan istifadə olunur.

- Fərid müəllim, sonda HR ilə maraqlanan, ümumiyyətlə Azərbaycanda HR sahəsində uğur qazanmaq istəyən insanlara nə demək istərdiz?

- Hər bir halda beynəlxalq təcrübədən yararlanmaq lazımdır. Sonda "Luxor and Excalibur Hotel”in prezidenti Rene Vestin sözlərini xatırlatmaq istərdim. "Sizin strategiyanız ən yaxşı strategiya ola bilər, ofisiniz dünyanın ən gözəl şəhərində, ən gözəl binada yerləşə bilər. Lakin siz işçilərinizin ürəklərini fəth edə bilməmisinizsə, ürəyinizdə olan arzularınızın heç biri həyata keçməyəcək”…

Fərid müəllim, maraqlı müsahibəyə görə sağ olun. Arzu edirik ki, ürəyinizdə tutduğunuz arzularınızın hamısı həyata keçsin.


İmza:

Tanınmış karikaturist: Dindarlardan hədə-qorxu mesajları alırıq... - MÜSAHİBƏ

Vidadi Həsənov YUĞ-dan çıxarılan aktyor barədə : "Bunlar hamısı boş şeylərdir"

YUĞ-dan çıxarılan rejissor "Ədalət"ə danışdı : "Bu məsələni belə qoymayacam!" - EKSKLÜZİV

Xəyanət videolarını paylaşanlara nə ad verək? - SORĞU

Qan Turalı: - “Mənim təbəssümüm də qalmaqaldır” - MÜSAHİBƏ

“Səni görüm parlamentdə sətəlcəm olasan, sonra da səsin batsın” - MÜSAHİBƏ

Azərbaycanlı fotoqraf : “ Afrikada ölənləri vəhşi heyvanlara yedizdirirlər” - MÜSAHİBƏ

“Mehman Hüseynovun mayor rütbəli qardaşı var” - Hüquq müdafiəçisindən şok açıqlama

Tanınmış futbol jurnalisti: “Qurban Qurbanov çox böyük səhv etmişdi...” - MÜSAHİBƏ

Ədəbiyyatdan əlinizi üzün - Abbas Kiyarüstəmi ilə müshaibə

Fuad Muradov: “Diaspor təşkilatlarının fəaliyyətində yeni mərhələ başlayıb” - MÜSAHİBƏ

“O, mənə ürəyini açandan iki saat sonra şəhid oldu...” - Cərrah qadın...

SON XƏBƏRLƏR
2019-01-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Neftçi"?

"Qarabağ" (80.19%)
"Neftçi" (19.81%)

ÇOX OXUNAN
GÜNÜN LƏTİFƏSİ

Hidayət Elvüsal həkimə gedir. Həkim onu müayinə edəndən sonra bir neçə dərman yazır və deyir ki, bu dərmanları gündə beş dəfə yeməkdən sonra atarsan.

Hidayət müəllim:

- Rəhmətliyin oğlu, gündə beş dəfə yemək tapsaydım ta niyə xəstələnirdim ki?





digər lətifələr
ARXİV
FACEBOOK