adalet.az header logo
  • Bakı 9°C
  • USD 1.7
03 Aprel 2018 17:56
16083
KRİMİNAL
A- A+

Bakıda marketlərdən oğurluq edilib

Xətai Rayon Mühafizə İdarəsinə ərazidəki qorunan marketlərin birindən həyəcan siqnalı daxil olub.

Daxili İşlər Nazirliyindən Adalet.az-a verilən məlumata görə, həmin ünvana gələn İdarənin əməkdaşları oradan tütün məmulatı oğurlamağa cəhd edən şəxsi cinayət başında yaxalayaraq 35-ci Polis Bölməsinə təhvil veriblər.

Bölmədə aparılan araşdırmalarla onun Bakı şəhər sakini Asif Həsənov olduğu məlum olub.

Ətrafında aparılan əməliyyat tədbirləri ilə onun digər cinayətlərinin də üstü açılıb. Polis əməkdaşları tərəfindən A.Həsənovun həmin gün saat 4 radələrində daha bir marketdən oğurluğa cəhd göstərməsi, həmçinin martın 20-də başqa bir marketdən içərisində 3230 manat pul olan seyfi oğurladığı da müəyyən edilib. Faktla bağlı cinayət işi başlanılıb. Araşdırma aparılır.