ANA SƏHİFƏ / SAĞLAMLIQ

Azərbaycanda ana ölümlərinə görə 50-dən çox həkim cəzalandırılıb

3467    |   2018-03-12 14:40
Şriftin ölçüsü:
A+ Böyütmək
A+ Balacalaşdır

Ötən il baş verən ana ölümlərinə görə Azərbaycanda 50-dən çox həkim və orta tibb işçisi – tibb bacıları, akuşerlər və s. cəzalandırılıb.

Adalet.az xəbər verir ki, bunu Trend-ə açıqlamasında Səhiyyə Nazirliyinin baş mama-ginekoloqu, Respublika Perinatal Mərkəzinin direktoru Sevinc Məmmədova deyib.

2017-ci il ərzində Azərbaycanda 21, bu il isə 3 ana ölümünün baş verdiyini xatırladan S.Məmmədova qeyd edib ki, ötən ilki ana ölümləri zamanı bir necə halda həkim səhvi olub. Buna görə də həmin səhvi edən həkimlər işdən kənarlaşdırılıb:

"Məsələn, xəstəyə narkoz verdikdə problem yaranıb və bu, fizioloji ölüm kimi qiymətləndirilib. Xəstə əməliyyata götürüldükdə ona narkoz verilməmişdən əvvəl icrası tələb olunan xüsusi kriteriyalara əməl olunmayıb. Əməliyyat qabağı hazırlıq işləri düzgün təşkil edilməyib, lazımi həcmdə müayinələr aparılmayıb”.

S.Məmmədova qeyd edib ki, ana ölümü yalnız həkim ginekoloq və həkim-anestezioloqun səhvi deyil:

"Xəstə ürək qüsurlu olur, lakin həkim-kardioloq ona düzgün diaqnoz qoya bilmir. Doğuş vaxtı da xəstə ürək qüsuru ilə doğduqda dünyasını dəyişir. Yaxud tibb bacısı xəstəyə vaxtında nəzarət edə bilməyib, həkimə vaxtında deməyib ki, onda qanaxma başlayıb. Tibbi işçisi hansısa yardımı ondan asılı olan səbəblər üzündən edə bilməyib. Buna görə onlar da cəzalandırılıb”.

S.Məmmədova qeyd edib ki, ana ölümlərinin səbəbləri araşdırılarkən ümumilikdə xəstəyə göstərilən tibbi yardımın təşkili və keyfiyyəti, xəstənin özünün sağlamlıq durumu qiymətləndirilir.

Ana ölümlərinin ölkənin bütün regionlarında qeydə alındığını deyən baş mütəxəssis əlavə edib ki, ağır vəziyyətdə olan xəstələr daha çox paytaxta köçürüldüyündən ötən il baş verən 21 ana ölümünün 7-si Bakının payına düşüb. Həmin xəstələr də rayonlardan Bakıya köçürülmüş hamilələr olub.




İmza:
SON XƏBƏRLƏR
2018-06-18
2018-06-16
2018-06-15
2018-06-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (33.33%)
Argentina (16.67%)
İspaniya (0%)
Almanıya (50%)
Fransa (0%)

ÇOX OXUNAN
GÜNÜN LƏTİFƏSİ
Zakir Fəxri axşam maşını blokun qabağında saxlayır, pəncərəsinə də bir kağız yazıb yapışdırır ki, maşının radiosu yoxdu, maqnitofonu yoxdu, motoru yoxdu, mobil telefonu da özümlə götürmüşəm.
Səhər gəlib görür ki, kağıza yazıblar ki, "Ta onda təkərləri nəyinə lazımdı ki?!




digər lətifələr
ARXİV
FACEBOOK