Bu gün Çempionlar Liqasında daha iki 1/4 finalçı bilinəcək
Bu gün UEFA Çempionlar Liqasının 1/8 final mərhələsinin 2 cavab oyunu keçiriləcək.
Adalet.az xəbər verir ki, keçiriləcək görüşlərin hər ikisinə ingilis klubları ev sahibliyi edəcək.
"Mançester Siti” - "Bazel” cütünün taleyinə ilk oyundaca aydınlıq gəlib. Səfərdə 4-0 hesabı ilə qalib gələn ingilislər demək olar ki, məsələyə aydınlıq gətiriblər.
Əsas diqqətlər "Tottenhem” - "Yuventus” oyununa yönəlib. İtaliyada keçən ilk görüş 2-2 hesabı ilə başa çatmışdı. İngiltərədə də oyunun sona kimi dramatik məcrada keçəcəyi ehtimal olunur.
Xatırladaq ki, görüşlər saat 23:45-də start götürəcək.