Antibiotiklərin yalnız reseptlə satılması təklif olundu
"Azərbaycanda insanlar qidalanmada ərzaqlara fikir versələr də, içdikləri suya diqqət etmirlər. Sularımız çirklidir".
AzVision.azxəbər verir ki, bunu Azərbaycan Tibb Universitetinin II uşaq xəstəlikləri kafedrasının professoru Surxay Musayev deyib. O qeyd edib ki, bəzi ailələr imkan daxilində su və ya filtrlər alırlar.
"İçdiyimiz su nə dərəcədə təmizdir? Bədənimizin 85 faizi sudan ibarətdir. Qəbul etdiyimiz qidalar su vasitəsilə sovrulur. Ona görə suya diqqət yetirməliyik".
S.Musayev, həmçinin insanların yersiz antibiotik qəbulu barədə danışıb. Qeyd edib ki, ölkəmizdə insanlar antibiotikə meyllidirlər: "Baş ağrıyanda, burun axanda, öskürəndə antibiotik içirlər. Bu, immun sisteminə dağıdıcı təsir göstərən ən ciddi amillərdən biridir. Bunu nəzərə alaraqAvropada antibiotik qəbuluna nəzarət edən xüsusi komissiyalar var. Həmin komissiyanın qərarı olmadan tibb işçisinin antibiotik təyin etmək hüququ yoxdur. Mən düşünürəm ki, bunun vaxtı bizdə də çatıb. Türkiyədə artıq qərar qəbul olunub ki, antibiotiklər apteklərdə reseptsiz satılmasın. Bu, doğru qərardır. Amma bu, o demək deyil ki, antibiotiki tamamilə qəbul etmək lazım deyil. Antibiotikin qəbuluna göstəriş olmalıdır".
Professor Azərbaycanda antibiotiklərin reseptsiz satılmasının tərəfdarıdır. "Deyə bilmərəm ki, buna hansı səbəblər mane olur. Bu, təşkilati məsələdir. Yəqin ki, bunun üçün heç nə mane olmur. Həkim kimi əhaliyə tövsiyə edirəm ki, antibiotikləri təyinatsız qəbul etməsinlər. Əgər tövsiyyə təsir göstərməsə, çox güman ki, məcburi qayda olacaq ki, Azərbaycanda da antibiotiklər hər kəsə istədiyi səviyyədə satılmasın".
Digər Xəbərlər
29 Mart 2024 10:03
Kimyəvi saç düzləşdirmənin təhlükələri ortaya çıxıb
27 Mart 2024 13:15Lerikdə 3 ailənin 11 üzvü qidadan zəhərləndi
27 Mart 2024 11:19Bayram günlərində yüzlərlə şəxs xəstəxanaya yerləşdirilib - RƏSMİ
27 Mart 2024 09:55Xərçəngə tutulma riskini azaldan qida
26 Mart 2024 09:00