Müğənni Adriano Çelentano və onun həyat yoldaşı aktrisa Klaudiya Mori haqqında çoxsaylı şayiələr gəzir, bu nikah ən möhkəm ulduz nikahı hesab edilir, onların məhəbbəti zamana boyun əymir. 

Onların tanışlığı "Bir qəribə tip” filminin çəkilişlərində başlayıb. Bu 1963-cü ildə baş verib, Klaudiya aktyorun imicini çox qəribə hesab edib və qadında heç bir təəssürat yaratmamışdı.

Çelentano gənc aktrisanın xoşuna gəlməyə çalışırdı, amma qadın ona qarşı soyuq idi. Hər şey bir anda dəyişdi, çəkiliş meydançasında qısa qapanma zamanı şüşə plafon partladı, onun qırıntıları aktyorun üzünü cızdı. Klaudiya onun yanına qaçaraq ona yardım etməyə çalışdı. Bir müddət sonra onlar kafedə söhbət edirdilər, daha sonra isə qrim otağında ehtirasla öpüşürdülər.

Morini ərinin çətin xasiyyəti qorxutmurdu. O, ərinin administratoru, imicmeykeri və piar-meneceri, eləcə də üç uşağının anası oldu.

Bir dəfə Adriano relslərin üzərinə uzanıb qatarın gəlməsini gözləyib. Qadın ərinin qalxmasını xahiş etsə də Adriano qalxmayıb. O, yalnız Klaudiya hönkürüb ağladıqdan sonra, qatarın ona çatmağına bir neçə metr qalmış ayağa qalxıb.

Bir dəfə isə aktyor gələcək rolunun sözlərini öyrənmək üçün şəhərin mərkəzində tıxac yaradıb.

Adriano Çelentano qadınların çox xoşuna gəlirdi və onun kənarda romanları var idi. Ən məşhur romanı isə o, Ornella Mutti ilə yaşayıb. Aktrisa öz əri ilə boşandı və eyni hərəkəti Çelentanodan da gözlədi, amma öz arvadını atmağa hazırlaşmırdı. 

Öz müsahibələrində Klaudiya deyirdi:

 "Təsadüfi xəyanət ayrılmaq üçün səbəb deyil. Onu bağışlamaq olar. Kişi üçün isə təsadüfi əlaqələr – mexanik üçün yeni avtomobilin baxışı kimi bir şeydir”. 

Bir müddət sonra aktyor ailəsinə qayıtdı və ictimaiyyət qarşısında arvadı və uşaqlarından üzr istədi.

İndi cütlük Milandan 100 km uzaqlıqda şəxsi villasında yaşayır. Onlar səs-küylü gecələri sevmirlər və ictimaiyyət içinə nadir hallarda çıxırlar.