Tədbirdə millət vəkili Aqil Abbas, təhsil şöbəsinin nümayəndələri və məktəbin kollektivi iştirak edib. Məktəbin direktoru Axundova Nəcibə tədbir iştirakçıların Xocalı faciəsi ilə bağlı ətraflı məlumat verib. Bildirib ki, erməni daşnaqları tərəfindən törədilən bu faciə terror hadisəsidir. Sadə, silahsız insanlara qarşı həyata keçirilən siyasət dünya birliyi tərəfindən pislənilir. Hazırda dünyanın bir sıra ölkə parlamentləri Xocalı soyqırımı ilə bağlı qərar qəbul edib. 

 Tədbirdə çıxış edən millət vəkili Aqil Abbas bildirib ki, Xocalı soyqırımını heç vaxt unutmaq olmaz. Onun sözlərinə görə, hər bir azərbaycanlı bu faciənin baş vermə səbəbi, faciə barəsində ətraflı məlumata malik olmalıdır. Millət vəkili onu da deyib ki, Azərbaycan hokuməti Xocalı soyqırımının dünya ictimayyətinə çatdırılması yönündə ciddi addımlar atır. "Xocalıya Ədalət” kompaniyasının həyata keçirilməsi nəticəsində müxtəlif ölkələrin nümayəndələri bu faciə barəsində məlumatlandırıblar.