ANA SƏHİFƏ / YAZARLAR

Məni başqalarıyla səhv salmayın!

2336    |   2018-02-13 14:15
Şriftin ölçüsü:
A+ Böyütmək
A+ Balacalaşdır

Adil Əliyev,
Milli Məclisin deputatı

Mərdi qova-qova namərd etməzlər. Sözüm yenə Avropada sığınacaq tapıb ağzına gələni danışanlaradır. Mənim və ailəmin amalı hər zaman insanlara xidmət olub, indi də millət vəkili kimi nə mümkündürsə, insanlara kömək etməyə çalışıram, qapım seçicilərin üzünə açıqdır. Ona görə də məni və ailə üzvlərimi başqalarıyla səhv salmayın! Kiminsə malında, pulunda gözümüz yoxdur. Yeganə amalımız prezident və onun siyasətinə dəstəkdir! Bir ətrafa nəzər yetirin, görün nələr baş verir. Azərbaycanımıza sabitliyin və inkişafın davamı lazımdır. Prezidentimizin də vurğuladığı kimi sabitlik əldə etdiyimiz ən böyük dəyərdir, heç bir dövlətin daxili işlərinə qarışmırıq, heç bir dövlətin də Azərbaycanın daxili işlərinə qarışmaq hüququ yoxdur, dünyada dostlarımızın sayı artır, yeganə düşmənimiz Ermənistan və dünyadakı erməni lobbisidir. Ermənistanla biz burada mübarizə aparırıq, ancaq xaricdə yaşayan əsl azərbaycanlının amalı həmin erməni lobbisinin yalanları ilə mübarizə aparmaqdır. Belə soydaşlarımız az deyil, ancaq erməni lobbisi ilə ağız-ağıza verərək ölkəsinə və dövlətini təmsil edənlərə nifrət yağdıranlara da rast gəlinir. Müxtəlif səbəblərdən ölkəni tərk edənlər var, bir hissəyilə Avropada təmas imkanım olub, başqa yerlərdə yaşasalar da, ürəkləri vətənlə döyünür, məmləkətin maraqları üçün nəsə etməyə çalışırlar. Ancaq xarici ölkələrdə kiçik azlıq da var ki, yaşadıqları Avropaya uyğunlaşa bilmədiklərindən bütün günü sosial şəbəkələrdən hamıya nifrət və böhtan yağdırırlar.

Dünənki statusumdan sonra xaricdə sığınacaq tapan bəzi "əjdahalar” məni hədəf götürüblər, sosial şəbəkələrdə olmazın sözlərini yazırlar, yenə yalan və təhqir, burda da deyillər ki, məhkəməyə verəsən. Görünür, xaricə qaçmalarının səbəblərindən biri də elə bu idi ki, Bakıda dillərinə gətirməkdən ehtiyat etdikləri tərbiyəsizliklərini Parisdən və Berlindən nümayiş etdirə bilsinlər. Şübhə etmirəm ki, məskən saldıqları həmin Avropa ölkələrində prezidentimizə, tanınmış xadimlərimizə dediklərinin bircəciyini yaşadıqları ölkənin siyasinə və elə sıravi vətəndaşına söyləsəydilər, dərhal məhkəmə kürsüsündə oturub tərbiyəsizliklərinə görə veriləcək cəzanı gözləyərdilər.

İndi də keçiblər Azərbaycanın tanımış şairlərinə, yazıçılarına və digər sənət adamlarına, Yazıçıların Birliyinin sədri Anar haqqında olmazın söyüşlərini işlədirlər. Ziyalılarımız prezident İlham Əliyevin namizədliyini dəstəklədiklərini bəyan ediblər. Bundan sonra Avropadakı "qoçaqlar” başlayıblar həmin şəxsləri adbaad söyməyə, birinin profilinə daxil oldum, tanınmış ziyalılarımızın ünvanına və onların ailə üzvlərinə o qədər söyüş, təhqir və lənət yağdırmışdı ki, heç düşmənimiz olan ermənilər bəlkə də bizə qarşı bu qədər nifrət dolu ifadə işlətməzdi. Sosial şəbəkədə kök salmış həmin tərbiyəsizlərin burdakı liderlərindən biri də onlara müraciət etmir ki, "tənqidlə təhqiri səhv salmayın, bu cür "davranışınızla” bizim də olan-qalan hörmətimizi dibə vurursunuz”. Susurlarsa demək elə liderləri də onlar kimidir, Avropaya köçməyə imkanları olsa dostlarına qoşulub daha çox bağırıb söyüş və təhqirə keçərlər.

Demək, ziyalılarımızı, əsərləri ilə ölkəmizi dünyada tanıtdıran yazıçılarımızı, xalq artistlərimizi bəyənmirsiniz. Yeganə səbəbiniz də odur ki, onlar prezidentimizi seçkilərdə dəstəkləyəcəklərini bəyan ediblər. Nə etməli idilər, ölkəni hakimiyyətdə olduqları qısa dövrdə uçuruma aparan, müxalifətdə ikən isə gah qərbə, gah şimala səcdə edən liderlərinizə dəstək verməli idilər? Elə onlar ona görə ziyalıdırlar ki, yaxşını pisdən ayıra bilirlər. Mərhum prezidentimiz, ulu öndər Heydər Əliyevin və onun varisi hazırki dövlət başçımız İlham Əliyevin də gücü ondadır ki, xalqımızın tanınmış nümayəndələri tərəfindən birmənalı dəstəklənirlər. Bu gücü Heydər Əliyev sizə müxalifətdə olanda da nümayiş etdirib. Sizin hakimiyyətiniz dönəmində 91 tanınmış ziyalı – alim, yazıçı, professor ona dəstəyini ifadə edib, Azərbaycanı xaosdan və anarxiyadan xilas etməyi ona xahiş ediblər. Sizdə müxalifətdəsiniz, bir-iki nəfəri çıxmaqla bəs sizi niyə yaradıcı, ziyalı təbəqə arasında dəstəkləyən yoxdur? 91 demirəm, heç olmazsa 10-ca nəfər də sizə dəstək müraciəti qəbul etsin. Cavabı bəllidir: İnsanlar, o cümlədən ziyalılar sabitliyin və inkişafın davamını arzulayırlar. Siz isə onlara tərbiyəsizlik, xaos və anarxiya vəd edirsiniz. Budur bizim sizdən fərqimiz...




İmza:

YAZARIN ARXİVİ

2018-04-25 : SÖZÜN HAVASI
2018-04-25 : QARAKÖPƏKTƏPƏ
2018-04-25 : Sokrat metodu
2018-04-24 : QARAKÖPƏKTƏPƏ
2018-04-21 : Həyat etüdləri
2018-04-21 : Vaqif Aslan
2018-04-19 : Almas İldırım
2018-04-19 : İpin "günahı"
2018-04-17 : AÇIQ MƏKTUB
2018-04-17 : Almas İldırım
2018-04-17 : VADAR OLDUM
2018-04-17 : Almas İldırım
2018-04-17 : Mübarizə yolu
2018-04-13 : ƏHMƏD CAVAD
2018-04-13 : Qardaşım Arif!
2018-04-13 : Kosmosda SÜLH!
2018-04-10 : Çörək ətri
2018-04-10 : ƏHMƏD CAVAD
2018-04-09 : Həyat cizgiləri
2018-04-07 : Həyat etüdləri
2018-04-07 : Kəramət
2018-04-06 : YARADAN YAŞAYIR
SON XƏBƏRLƏR
2018-04-25
2018-04-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (42.86%)
"Real" Madrid (57.14%)

ÇOX OXUNAN
GÜNÜN LƏTİFƏSİ

Ağdamda «Jaqa» ləqəbi ilə tanınan «Dostluq» kino-teatrının direktoru Fazil Qasımov (məşhur yazıçı Əlfi Qasımovun qardaşı) kabinetində oturub «Fillər mənim dostumdur» filmindən qazandığı pulları sayır:

- Üç min dörd yüz, üç min beş yüz, üç min altı yüz əlli…

Fazil müəllimin də «Paxan» ləqəbi ilə tanınan Bəxtiyar adlı bir oğlu vardı, dava-şavasız günü keçməzdi.

Elə pulları saydığı yerdə ki üç min altı yüz əlli, administrator girir içəri, deyir:

- Fazil müəllim, indicə paxan Mədəniyyət evinin qabağında bir nəfəri bıçaqlayıb.

Fazil müəllim stolun üstündəki pulu əlinin arxasıyla sıyırıb tökür döşəməyə, deyir:

- Fillər də belə getdi ey…





digər lətifələr
ARXİV
FACEBOOK