Milli Məclisin iclasında spiker Oqtay Əsədovla Regional məsələlər komitəsinin sədri Arif Rəhimzadə arasında anlaşılmazlıq yaranıb.

Adalet.az-ın məlumatına görə, bələdiyyələrin fəaliyyətinə inzibati nəzarəti həyata keçirən orqanın illik məruzəsinin təqdimatından sonra çıxış üçün söz Elmira Axundovaya verilib. Lakin komitə sədri Arif Rəhimzadə də danışmaq istəyib.

Daha sonra isə spiker Oqtay Əsədov deyib:

"Arif müəllim siz çıxışa yazılmısınız, ya sual vermək üçün?”

Arif Rəhimzadə isə spikerə belə cavab verib: "Adətən hesabatdan sonra komitənin sədrinə söz verilir. Mən danışmaq istəmirəm. Mənim heç bir sulaım filan yoxdur”.

Oqtay Əsədov isə bildirib: "Çıxış etmək istəyirdinizsə əvvəlcədən məlumat verərdiniz. İstədiyiniz vaxt çıxışa yazılıb fikrinizi bildirə bilərsiniz”.