ANA SƏHİFƏ / İDMAN

“Messi paltardəyişmə otağında ağlayırdı”

4250    |   2018-02-12 17:21
Şriftin ölçüsü:
A+ Böyütmək
A+ Balacalaşdır

"Mançester Yunayted”in yeni transferi Aleksis Sançes "Sky Sports” telekanalında sabiq futbolçu Tyerri Anrinin verilişində qonaq olub. 

Çilili hücumçu bu səviyyəyə çatmaq üçün çətin yol keçdiyini bildirib.

O, yaxşı karyera qurmağın asan olmadığını vurğulayıb: "Futbol sənə dəbdəbəli həyat verir. Amma insanlar çəkdiyin əziyyəti görmürlər. Bunlar kadr arxasında qalır. Futbolçular analarının ad günlərini buraxır, uzun müddət övladlarını görmürlər. Əksəriyyəti işinə o dərəcədə köklənir ki, hətta övladlarının doğum günündə də onların yanında olmur”.

Sançes söhbət əsnasında sabiq komanda yoldaşı, "Barselona”nın lideri Lionel Messini yada salıb. O, məğlub olduqları oyundan sonra argentinalının göz yaşlarını gördüyünü deyib: "Finalda uduzursansa, ağlayırsan. Bu, onunla bağlıdı ki, sən özündən daha artığını tələb edirsən. "Çelsi”yə məğlub olduqdan sonra Messi paltardəyişmə otağında ağlayırdı və mən bunu görmüşəm. İnsanlar isə belə şeylərə fikir vermirlər. Hamını razı salmaq mümkün deyil. Həmişə səndən narazı qalanlar olacaq. Bunu şəxsi təcrübəmə əsaslanıb, deyirəm. Futbolu sevirəm və karyeramı davam etdirmək istəyirəm”.

Qeyd edək ki, əvvəllər "Udineze” və "Barselona” klublarında da oynamış Aleksis Sançes "Mançester Yunayted”ə bu il "Arsenal”dan keçib.




İmza:
SON XƏBƏRLƏR
2018-05-27
2018-05-26
2018-05-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Çempionlar Liqasının qalibi hansı komanda olacaq?

"Real" Madrid (53.33%)
"Liverpul" (46.67%)

ÇOX OXUNAN
GÜNÜN LƏTİFƏSİ
İki qadın söhbət edir:
- Az, ərin sənə pul verir heç?
- Həə, əlbəttə, nə vaxt istəyirəm verir.
- Doğrudaaaan?! Necə alırsan ki? Deginən biz də alaq da, bizimki heç vermir.
- Atamın xarabasına gedərəm bir də geri dönmərəm - deyirəm.
- Aha, sonra?
- O da həmin dəqiqə çıxarıb yol pulu verir.




digər lətifələr
ARXİV
FACEBOOK