ANA SƏHİFƏ / MƏMLƏKƏT

Sakinlərin 5 %-i erkən nikaha müsbət baxır

7218    |   2018-02-09 12:36
Şriftin ölçüsü:
A+ Böyütmək
A+ Balacalaşdır

"Yaşın nə fərqi var ki ?!" ritorik sualını tez-tez eşidirik. Əksər hallarda bu nədənsə məhz sevgi-məhəbbət mövzusuna ithaf olunur. Bəzən bu mövzunun "cazibə"sinə aldanıb yaş həddini unudanlar da az olmur. Belə ki, Azərbaycan qanunvericiliyə əsasən nikah yaşı həm qızlar, həm də oğlanlar üçün 18 yaş olaraq müəyyən olunub. Amma qanunun aliliyini ciddiyə almamaqdan və ya digər səbəblərdən irəli gələrək bəzən vətəndaşlar erkən nigaha daxil olur. Erkən nikah qanunvericiliyin müəyyən etdiyi minimal yaşın həddini keçmədən qurulan ailələrdir.

UNİCEF-in məlumatına görə Azərbaycanda bir il ərzində 15 yaşına çatmayan beş minə qədər qız ailə qurur.

Rəyi öyrənilmiş Bakı sakinlərinin dörddə üçü 18 yaşından kiçik fərdlərin ailə qurmasına mənfi yanaşır (76 %). Mövzunun ürək-könül məsələsi olduğunu nəzərə alanlar məsələyə neytral yanaşırlar (17 %). 5 % respondent isə erkən nikahlara müsbət baxdığını söyləyir.

Paytaxt sakinlərindən soruşulan digər sual isə övlad sahibi olub olmamaqlarından asılı olmaraq uşaqlarının erkən nikaha girmələrinə icazə vermələri ilə bağlı idi. Sorğu nəticəsində məlum oldu ki, respondentlərin böyük əksəriyyəti övladının 18 yaşından tez ailə qurmasına qarşıdır (87 %). Rəyi öyrənilmiş hər on nəfərdən biri isə məsələyə müsbət yanaşır (10 %).

Sorğu 23-28 sentyabr tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.


İmza:
SON XƏBƏRLƏR
2018-10-21
2018-10-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK