Yarımfinal mərhələsinin ilk görüşləri çərçivəsində "Leqanes”lə 1:1 hesablı heç-heçə edən əndəluslular öz meydanlarındakı cavab matçında 2:0 hesablı qələbə qazanıblar. "Sevilya”nın qollarına 15-ci dəqiqədə Xoakin Korrea, 89-cu dəqiqədə isə Franko Vaskes imza atıblar.

Digər finalçının adına isə bu gecə aydınlıq gələcək. "Barselona” "Nou Kamp”da 1:0 hesabı ilə üstələdiyi "Valensiya” ilə bu dəfə səfərdə qarşılaşacaq.

Qeyd edək ki, "Valensiya” – "Barselona” matçı Bakı vaxtı ilə saat 00:30-da start götürəcək.