Qatıb bir - birinə ağla qaranı
Qopar qaysağını, bağla yaranı...
Özün bildiyin tək, saxla aranı -
Mən sənə sözümü dedim , vaxtında!

Hər gün arandıqca ruhumun soyu
Göynədir sinəmi ah-ufu , oyu...
Məsafə saxlayaq bir kiprik boyu -
Dizində ibadət edim , vaxtında!

Söykəyib canımı vallah qəm tinə...
Baxıb bu halıma , sən heç təntimə...
Çevirib üzümü Allah səmtinə -
Sevgimə mən qurban gedim ,vaxtında!