adalet.az header logo
  • Bakı 12°C
  • USD 1.7
06 Fevral 2018 10:22
9133
GÜNDƏM
A- A+

Bakı-Tibilisi-Qars dəmiryolunda sərnişinlər nə vaxtdan daşınacaq?

Bakı-Tbilisi-Qars dəmir yolu ilə sərnişinlərin daşınması üçün bütün lazımi işlər görülməkdədir.

Bu barədə "Azərbaycan Dəmir Yolları” Qapalı Səhmdar Cəmiyyətinin İctimaiyyətlə əlaqələr şöbəsinin rəisi Sevinc Qədirova məlumat verib.

S.Qədirova deyib ki, ilk sərnişinlərin Bakı-Tibilisi-Qars dəmir yolu ilə daşınması vaxtı mart ayında bəlli olacaq:

"Hazırda Qarsda havanın temperaturu çox aşağıdır. Yəni səfərin qış aylarında təşkili əlverişsizdir. Böyük ehtimalla ilin birinci yarısından sonra dəqiq vaxt açıqlanacaq”.

Qurum rəsmisi deyib ki, hər şey dəqiqləşəndə "Azərbaycan Dəmir Yolları”nın sədri Cavid Qurbanov daha ətraflı məlumat verəcək.

Qeyd edək ki, qurumun bundan əvvəlki açıqlamasınada Bakı-Tibilisi-Qars dəmir yolu qatarının ilk sərnişinlərinin jurnalistlər olacağı açıqlanıb.

Bakı-Tbilisi-Qars dəmir yolu 2017-ci il oktyabrın 30-da işə salınıb.(modern.az)