Həmid bəy verilişin qonaqları olan Şəhriyar del Gerani, Şərif Ağayar və Salam Sarvanı şair taleyi yaşamamaqda və bədahətən şeir yazmaq istedadı olmamaqda qınayıb: "Bu günün əsl şairləri meyxana ustalarıdır. Mərhum Məşədi Babadı, Elçindi, Bayram Kürdəxanlıdı. Şeir onlayn rejimdə yazılmalı, bədəhətən deyilməlidir-bu nadir xüsusiyyətlər indi dünya poeziyasında ancaq Azərbaycanda qalıb, dəqiq desək meyxana janrında. Müzakirə iştirakçılarıını incitmək istəmirəm, çoxlarını yaxından tanıyıram. Ancaq bu iştirakçılar şair deyil, sadəcə ziyalılardı".

Həmid Herisçi çağdaş yazarları mərhum meyxana ustaları ilə müqayisə edib: "Mən bir dəfə Məşədi Babanın dörd saat canlı şəkildə şeir deməyini eşitmişəm. Biz yeddi dəfə onun köynəyini dəyişdik. Gördük dayanmır. Ürəyi partlayıb ölə bilər. Yavaşca şillə vurduq Məşədi Babaya. Dedik ayıl, ölərsən... Həəə əsl şair o idi. Bizim şairlər, tirajlanmaq, hallanmaq istəyirlər. Öz eqolarının əsirləridirlər. Eqolarını dəf etsələr, hə, belələrinə şair demək olar. 

P.S. Həmid Herisçinin özünün dediklərini nəzərə alsaq, deməli, meyxana deyə bilmirsə, o da istedadsızdır.