adalet.az header logo
  • Bakı 13°C
21 Yanvar 2018 17:00
14057
DÜNYA
A- A+

Makedoniyanın yeni adı referendumda müəyyənləşəcək

Makedoniyanın yeni adı referendum nəticəsində müəyyənləşəcək.

Adalet.az-ın "RİA Novosti" agentliyinə istinadən verdiyi məlumata görə, bunu Makedoniya baş naziri Zoran Zayev bəyan edib.

Makedoniyada referenduma çıxarılacaq yeni ad variantları hələ rəsmi olaraq açıqlanmayıb. Ancaq yerli mətbuatda Yeni Makedoniya Respublikası, Şimali Makedoniya Respublikası, Yuxarı Makedoniya Respublikası, Makedoniya Vardar Respublikası və Makedoniya Respublikası adlarının ümumxalq səsverməsinə çıxarıla biləcəyini yazıb.

Qeyd edək ki, bundan əvvəl Yunanıstan və Makedoniya xarici işlər nazirləri Nyu-Yorkda Makedoniyanın necə adlandırılmasına həsr olunmuş görüş keçirib. Rəsmi Afina qonşu ölkənin Makedoniya adlandırılmasına qarşı çıxır, çünki Yunanıstanda eyni adlı region var.