adalet.az header logo
  • Bakı 7°C
19 Yanvar 2018 15:29
9961
SAĞLAMLIQ
A- A+

Tibb dünyasında xərçənglə bağlı YENİLİK

Alimlər tibbin ən böyük hədəflərindən birinə bir addım daha yaxınlaşıb.

Adalet.az xarici Kİv-lərə istinadən xəbər verir ki, ABŞ-ın Con Hopkins Universitetindəki bir qrup alim xərçəngin 8 fərqli növünü əvvəlcədən aşkar edən bir üsul tapıblar. Hədəfləri xüsusi test yaradaraq xərçəngi daha tez bir zamanda aşkara çıxarmaq və insanların həyatını qurtara bilməkdir.

İngilis mütəxəssislər bunun çox həyəcanverici olduğunu açıqlayıb.

Şişlər mutasiyaya uğramış genlərin və proteinlərin kiçik izlərini qana daşıyırlar.

Yumurtalıq, qaraciyər, mədə, mədəaltı vəzi xərçəngi, ağciyər və süd vəzi xərçəngi izləri olan 1005 xəstədə bu test sınaqdan keçirilib. Xəstələrin 70%-nə dəqiq diaqnoz qoyulub.

Con Hopkins Universitetinin əməkdaşı Kristian Tomasetti BBC-yə açıqlamasında erkən diaqnozun həyati dərəcədə əhəmiyyətli olduğunu, eyni zamanda xərçəngin ölüm faktoru üzərində inanılmaz təsiri ola biləcəyini açıqlayıb.

Xərçəng xəstəliyi nə qədər tez tapılarsa, müalicə etmək o qədər də asan olur.

Mədəaltı vəzi xərçənginin çox az göstəricisi olduğuna görə diaqnoz gec qoyulur və beş xəstədən 4-ü diaqnoz qoyulduğu il vəfat edir. Test hal-hazırda xərçəng diaqnozu qoyulmamış xəstələrdə tətbiq edilir. Nə dərəcədə effektiv olduğunun isə bu testlərin edilməsindən sonra bəlli olacağı gözlənilir.

Daha çox sayda mutasiyaya uğramış DNT-nin və proteinin analiz edilməsi daha geniş bir spektrd’ xərçəng növlərinin aşkarlanmasına imkan yaradacaq. Ancaq hələ də xərçəng diaqnozu qoyulduqdan sonra nə ediləcəyinə dair qeyri-müəyyənlik var.(modern.az)