Moldovanın sərhəd polisi NTV telekanalında "Həftəsonu” verlişinin aparıcısı İradə Zeynalovanı ölkəyə buraxmayıb. Polis bunu aparıcının ölkəyə gəlişinin məqsədini təsdiq edən sənədlərin olmamasıyla əsaslandırıb. İ. Zeynalovanın sözlərinə görəsəfərin məqsədi Moldovanın rəsmi şəxsləri ilə görüşmək olub. Jurnalisti növbəti Kişinyov-Moskva reysi ilə geri göndərən sərhədçilər bildirib ki, onların bu addımını jurnalistin deportasiyası və ya onun ölkəyə girişinə qadağa qoyulması faktı kimi qiymətləndirmək lazım deyil.