Maşın dəllalarının qiymət artımı barədə yalançı HAY-KÜYÜ
Nazirlər Kabinetinin "Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri"ndə etdiyi dəyişikliyə əsasən, 2018-ci ilin yanvarın 1-dən istifadə müddəti bir ilə qədər olan minik avtomobillərinin idxalına tətbiq olunan gömrük rüsumu 75 faiz, istifadə müddəti bir ildən artıq olan avtomobillər üçün 71,4 faiz artırılıb.
Bəs görəsən gömrük rüsumunun artırılması avtomobil bazarına necə təsir edib? Məsələ ilə bağlıModern.az-a danışan Azərbaycan Qiymətləndiricilər Cəmiyyətinin sədri Ramil Osmanlı deyib ki, hazırda avtomobil bazarında vəziyyət o qədər də normal deyil.
R.Osmanlı bildirib ki, avtomobil ticarəti ilə məşğul olan bəzi sahibkarlar öz məhsulunu satmaq üçün müxtəlif spekulyativ addımlar atırlar.
"Avtomobil almaq istəyənlər diqqətli olmalıdırlar. Alacaqları avtomobilin qiymətini müqayisə etmələri tövsiyə olunur”.