ANA SƏHİFƏ / ƏDƏBİYYAT

Əbülfət qağa Ad günün mübarək

Əvəz Mahmud Lələdağ

12677    |   2018-01-06 11:03
Şriftin ölçüsü:
A+ Böyütmək
A+ Balacalaşdır
















Ömrün baharımı əlindən gedən,

Görünən qışdımı, Əbülfət qağa.

De, kimlər olubdu əlindən gedən,

Atılan daşdımı, Əbülfət qağa.


Azalır get-gedə vaxtın yardımı,

Gülün ləçəyinə düşən xardımı.

Döyən doludurmu, gələn qardımı,

Yağan yağışdımı, Əbülfət qağa.


Cavanlıq ucalan, qocalıq enən,

Ömrün payızıdır gileyli dinən.

Arzusuz gözündə sellərə dönən,

Qandımı, yaşdımı, Əbülfət qağa.


Gərdiş bostanını daşdadı keçdi,

Qəlbində qaçqınlıq qışdadı, keçdi.

Sinəni min yerdən xışdadı keçdi,

Dərd dəmir xışdımı, Əbülfət qağa.


Telini oxşadı dağlar küləyi,

Yandıra bilmədin zalım fələyi.

Ümidlə gözlədin xoş gələcəyi,

Ağaran başdımı, Əbülfət qağa.


Elində, obanda adın bəllidi,

Varlığın şairə bir təsəllidi.

Mən elə bilirdim yüz-yüz əllidi,

Dediyin yaşdımı, Əbülfət qağa.



30.12.2017




İmza:
SON XƏBƏRLƏR
2018-10-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK