Rusiya kosmosda otel açır
Rusiyanın Federal Kosmik Agentliyi (Roscosmos) Beynəlxalq Kosmik Bazasında (UUİ) lüks bir otel inşa etməyi planlaşdırır.
Adalet.az xəbər verir ki, "Mechanics” jurnalı bu barədə xəbər dərc edib. Xəbərdə orbitdə yerləşdiriləcək bu lüks oteldə qalanların minlərlə kilometr uzaqlıqdan Yer kürəsinin mənzərəsinə baxa biləcəyi qeyd olunub.
Wi-Fi, Xüsusi tualet...
Oteldə qalanlar üçün xüsusi kabinələr, Yer kürəsinə baxan mənzərəli böyük
pəncərələr, xüsusi tualet və məşq ləvazimatları ilə yanaşı, Wi-Fi xidməti də
olacaq. 20 ton ağırlığında, 15.5 metr uzunluğunda olması planlaşdırılan oteldə
4 ədəd yatağın olacağı qeyd olunur.
Kosmosa səfər etmək istəyən müştəriləri isə bir kosmonavt müşayiət edəcək.
Adam başı 40 milyon
Oteldə 1-2 həftəlik qalmaq üçün isə adam başı 40 milyon dollar ödənişin istəniləcəyi bildirilir.
Burada bir ay qalmaq istəyənlər isə əlavə olaraq 20 milyon dollar ödəməli olacaqlar. Otelin inşasının maya dəyərinin 446 milyon dollara başa gələcəyi qeyd olunub.
P.S. - Ora gedəndə mütləq kəbin kağızınızı da götürərsiniz.