Azərbaycan Xalq Cümhuriyyətinin 100 illiyinə həsr olunan müsabiqə keçiriləcək.

Adalet.az xəbər verir ki, bununla bağlı AMEA Rəyasət Heyətinin bugünkü iclasında qərar qəbul edilib.

Tədbirdə AMEA-nın vitse-prezidenti, akademik İsa Həbibbəyli bildirib ki, Azərbaycan Xalq Cümhuriyyətinin 100 illiyinə həsr olunmuş "Azərbaycan Cümhuriyyəti - 100" adlı elmi əsərlər müsabiqəsi "İçərişəhər" Dövlət Tarix-Memarlıq Qoruğu İdarəsi və AMEA tərəfindən təşkil olunacaq.

O bildirib ki, məqsəd ölkə Prezidenti İlham Əliyevin "Azərbaycan Xalq Cümhuriyyətinin 100 illik yubileyi haqqında" 16 may 2017-ci il tarixli Sərəncamından irəli gələn layihələrin icrasını təmin etmək və gəncləri yeni elmi araşdırmalara cəlb etməkdir.

Müsabiqənin 35 yaşa qədər gənc tədqiqatçılar arasında keçirilməsi nəzərdə tutulur.