“Qarabağ”ın ÇL hesabatı
Çempionlar Liqasının qrup mərhələsində çıxış edən klubların statistik göstəriciləri açıqlanıb. Apasport.az saytının məlumatına görə, yarışda iştirak etmiş 32 komandanın 30 müxtəlif göstəricidə tutduğu yeri müəyyənləşib.
Qitənin ən nüfuzlu klub turnirində debüt edən Azərbaycan çempionu "Qarabağ”ın da statistikaları bəlli olub. Ağdam təmsilçisi müxtəlif göstəricilərdə fərqli yerlərdə qərarlaşıb.
Qurban Qurbanovun yetirmələri heç-heçə, həmçinin topa sahib olma üzrə dəqiqə və faiz göstəricilərində daha yaxşı nəticə göstərib. Lakin təmsilçimizi zəif tərəfləri də diqqət çəkir.
Qırmızı vərəqə, qapı önünə ümumi və dəqiq ötürmə, qapıya, həmçinin "çərçivə”yə düşən və düşməyən zərbələrin sayında çempionumuz sonuncu sıradadı. Bir neçə göstəricidə isə təmsilçimiz sonuncu – 32-ci pillənin şəriklərindəndi.
göstərici | Qarabağ | yer |
Qələbə | 0 | 26-32 |
Heç-heçə | 2 | 7-15 |
Məğlubiyyət | 4 | 23-27 |
Qol | 2 | 29-31 |
Buraxılan qol | 14 | 25-28 |
Top fərqi | -12 | 27 |
Sol ayaqla qol | 0 | 29-32 |
Sağ ayaqla qol | 1 | 27-29 |
Başla qol | 1 | 16-26 |
Cərimə meydanı daxilindən qol | 2 | 29-30 |
Cərimə meydanı xaricindən qol | 0 | 23-32 |
Penaltidən qol | 0 | 16-32 |
Qapıya zərbələr | 39 | 32 |
Çərçivəyə zərbələr | 10 | 32 |
Çərçivəyə düşməyən zərbələr | 17 | 32 |
Dəf olunan zərbələr | 12 | 26 |
Tir, dirək | 1 | 17-25 |
Ötürmə | 2794 | 22 |
Dəqiq ötürmə | 2354 | 21 |
Ötürmələrdə dəqiqlik faizi | 84 | 20 |
Topa sahibolma faiz | 46 | 22-23 |
Topa sahibolma dəqiqə | 29 | 15-17 |
Künc zərbəsi | 10 | 31-32 |
Qapısında künc zərbəsi | 52 | 31 |
Qapı önünə ötürmə | 37 | 32 |
Qapı önünə dəqiq ötürmə | 8 | 32 |
Qayda pozuntuları | 72 | 20 |
Qayda pozuntusuna məruz qalmaq | 59 | 24-25 |
Sarı vərəqələr | 14 | 27-28 |
Qırmızı vərəqə | 3 | 32 |