ANA SƏHİFƏ / MƏDƏNİYYƏT

“Nobel həftəsi” başlayır

2061    |   2017-12-07 17:31
Şriftin ölçüsü:
A+ Böyütmək
A+ Balacalaşdır

Bu gündən Stokholmda "Nobel həftəsi” başlayır.

Həftə çərçivəsində laureatların mühazirələri təşkil olunacaq, dekabrın 10-da isə mükafatlar təqdim ediləcək.

2017-ci ildə Nobel mükafatı nominantları arasında 11 şəxs və bir təşkilat var.

"Nobel həftəsi” çərçivəsində keçiriləcək tədbirlərin planına görə, dekabrın 7-də fiziologiya və təbabət üzrə Nobel mühazirəsi oxunacaq. Bu il həmin mükafatın laureatları Amerika alimləri Ceffri Holl, Maykl Yanq və Maykl Rosbaşdır. Elə həmin gün ədəbiyyat üzrə laureat, ingilis yazıçısı Kazuo İşiquro mühazirə ilə çıxış edəcək.

Dekabrın 8-də kimya Nobel mükafatı laureatları – Jak Düboşe (İsveçrə), İokim Frank (ABŞ) və Riçard Hendersonun (Böyük Britaniya), habelə fizika üzrə Nobel mükafatı laureatları - Amerika fizikləri Rayner Vayss, Kip Torn və Barri Berişin Nobel mühazirələri dinlənəcək.

İqtisad elmləri sahəsində Nobel mükafatı laureatı Riçard Talerin (ABŞ) mühazirəsi də dekabrın 8-nə təyin olunub.

Dekabrın 9-da Nobel həftəsi çərçivəsində "Həqiqətin gələcəyi” adlı dialoq planlaşdırılıb.

Bu il Nobel Sülh Mükafatı nüvə silahının məhv edilməsi uğrunda beynəlxalq şirkətə (İCAN) təqdim edilib. Bu mükafatın laureatları dekabrın 10-da mühazirə ilə çıxış edəcəklər.

Xatırladaq ki, Nobel mükafatı laureatlarının təltif edilməsi mərasimləri hər il eyni gündə - bu mükafatların təsisçisi Alfred Nobelin vəfat etdiyi 10 dekabr tarixində keçirilir. Onun vəsiyyətinə görə, bu mərasimlər iki şəhərdə - Stokholmda və Osloda təşkil olunur. Stokholmda fizika, kimya, fiziologiya və təbabət, ədəbiyyat və iqtisadiyyat sahəsində mükafatlar təqdim edilir. Nobel Sülh Mükafatı laureatlarının təltif edilməsi mərasimi isə Oslo şəhər ratuşasında təşkil olunur. Cari ildə Nobel mükafatlarının hər birinin məbləği 9 milyon İsveç kronuna (təqribən 1,1 milyon ABŞ dollarına) bərabərdir./parafr.az/




İmza:
SON XƏBƏRLƏR
2017-12-12


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Birlikdə 50 il ömür sürmüş ər-arvad boşanma üçün hakimin qarşısına çıxırlar. Kişinin 77, qadının 75 yaşı var. Hakim:
- 50 il birlikdə ömür sürmüsünüz, ayıb deyilmi, boşanırsınız?
Kişi əsəbiləşir:
- Yoldaş hakim, neynəyib dözmüşəm, sevmişəm deyə səsim çıxmayıb, amma hayasız qudurub, mən yatandan sonra mənim protez dişlərimi geyinib sarımsaq yeyir!




digər lətifələr
ARXİV
FACEBOOK