Dekabrın 5-dək ölkə üzrə pambıq qəbulu məntəqələrinə 197 min 21 ton məhsul təhvil verilib.

Dövlət Statistika Komitəsindən Adalet.az-a bildiriblər ki, bu, ötən ilin müvafiq dövrü ilə müqayisədə 2,4 dəfə çoxdur. Belə ki, keçən il dekabrın 5-dək 82 min 257 ton məhsul tədarük edilmişdi.

Məhsul yığımında Saatlı pambıqçıları öndədirlər. Sonrakı yerlərdə isə Biləsuvar, Bərdə, Ağcabədi və Sabirabad rayonları gəlir.

Adalet.az pambıq tədarükünə dair dekabrın 5-dək olan operativ məlumatı təqdim edir.