adalet.az header logo
  • Bakı 9°C
  • USD 1.7
16 Noyabr 2017 12:24
45293
TEXNOLOGİYA
A- A+

İnternet provayderlərə qarşı cəzalar SƏRTLƏŞDİRİLİR

Provayderlər tərəfindən uçota durma qaydalarının pozulmasına görə cəza tətbiq olunacaq.

Bununla bağlı İnzibati Xətalar Məcəlləsinə yeni- 370-1-ci (İnternet telekommunikasiya xidməti göstərən operatorlar və provayderlər tərəfindən uçota durma qaydalarının polzulması) maddəsi əlavə edilir.

Maddəyə əsasən, xidmət göstərməyə başladıqları vaxtdan 15 gün müddətində müvafiq icra hakimiyyəti orqanında uçota durmamasına, uçota alınma üçün zəruri olan sənədlərdəki çatışmazlıqları aradan qaldıraraq 15 gün müddətində uçota alınmaq üçün yenidən müraciət edilməməsinə, uçot məlumatlarında dəyişiklik baş verdiyi gündən 10 gün müddətində həmin dəyişiklik barədə müvafiq icra hakimiyyəti orqanına məlumat verilməməsinə görə vəzifəli şəxslər 1000 manat məbləğində, hüquqi şəxslər 1500 manat məbləğində cərimə ödəyirlər.