ANA SƏHİFƏ / ELM VƏ TƏHSİL

ADU-da Çin modası

1986    |   2017-11-15 10:46
Şriftin ölçüsü:
A+ Böyütmək
A+ Balacalaşdır

Noyabrın 14-də Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda Çin xalqının etno-mədəni tarixində ənənəvi geyimlərin rolunun öyrənilməsinə həsr olunmuş "Çin modası: ənənələrdən günümüzə qədər” adlı tədbir keçirilib.

Adalet.az xəbər verir ki, açılış nitqi ilə çıxış edən Konfutsi İnstitutunun direktoru, professor Rafiq Abbasov yazılı abidələr və portretlərdə, qədim Çinin xüsusi qanunlarında əks olunmuş kişi və qadın milli geyim formalarını əks etdirən Çin kostyumunun tarixi barədə məlumat verib. R.Abbasov həmçinin rəsmi və təntənəli mərasimlər üçün nəzərdə tutulan Çin zadəgan və bayram kostyumlarından, unikal yol kostyum və plaşlarından-"yağış paltarlar”ından, Çin geyimlərinin dekorativ elementlərinin simvolizmindən danışıb.

Azərbaycanın ilk peşəkar rəssam-modelyeri, əməkdar incəsənət xadimi, Azərbaycan Dövlət Mədəniyyət və İncəsənət Universitetinin Modelləşdirmə kafedrasının dosenti, "Fakhriya Khalafova” moda evinin təsisçisi Fəxriyyə Xələfova Çində keçirilən İkinci Avrasiya İpək Yolu Geyim festivalında iştirak etməsindən danışıb. O, bildirib ki, milli rəngi və unikal Azərbaycan folklor bəzəklərini əks etdirən əllə işlənmiş naxışlı müəllif kolleksiyasını həmin festivalda nümayiş etdirib. F.Xələfova həmçinin üslub və dekorasiya, parlaq rənglər, modellərin və aksessuarların özünəməxsusluğu, toxuculuq xüsusiyyətləri, toxuculuğun unikal kombinasiyaları, Şərq və Qərbi bir araya gətirən modellər və aksessuarların orijinallığı ilə fərqlənən paltar hazırlamağın sirlərini bölüşüb.

Tədbirdə çıxış edən Konfutsi İnstitutunun müəllimi Çen Siaojen zərifliyi, konseptual milli tərzi, unikal rəng və dekorasiyası ilə fərqlənən Çin kostyumunun ənənəvi xüsusiyyətlərini izah edib. O, ənənəvi ipək geyimləri sayılan "tsipao” və "xanfu” xalatının əsas üslublarını xüsusilə vurğulayıb.

Tədbirin sonunda Çin qadın paltarlarının müasir modelləri nümayiş etdirilib.




İmza:

Çinin CMİG şirkəti Bakı Ali Neft Məktəbi ilə əməkdaşlıq edəcək

Beynəlxalq Vizyon Universitetinin rektoru: "UNEC- in zəngin təcrübəsindən..."

Bakı Ali Neft Məktəbində Layihələri İdarəetmə Məktəbi uğurla davam edir

ADU-nun rektoru Kamal Abdulla Polşa səfiri ilə görüşüb

Ali məktəbdə oxuyanlar üçün təhsil müddəti azala bilər

Fərqlənmə attestatı, 700 bal, Prezident təqaüdü...

Üç ildə 150 min müəllimin maaşı artıb - Nazir müavini

Ayın məzunu: “UNEC-in nüfuzu əhəmiyyətli dərəcədə artıb”

Digər universitetlərdən UNEC-ə köçürülən tələbələrlə görüş olub

Yunanıstanın səfiri Bakı Ali Neft Məktəbində

ADU-da “Rusiyada siyasi antropologiya” mövzusunda mühazirə oxunub

3 ölkənin səfiri ADU-da olub

SON XƏBƏRLƏR
2017-11-24


VİDEO