ANA SƏHİFƏ / GÜNDƏM

“Azərbaycan Britaniyanın strateji tərəfdaşıdır” - Səfir

10698    |   2017-11-10 18:00
Şriftin ölçüsü:
A+ Böyütmək
A+ Balacalaşdır

Energetika naziri Pərviz Şahbazov Böyük Britaniya və Şimali İrlandiya Birləşmiş Krallığının ölkəmizdəki səfiri Kerol Meri Kroftsu qəbul edib.

Energetika Nazirliyinin mətbuat xidmətindən verilən məlumata görə, bütün sahələrdə yüksək inkişaf səviyyəsinə malik Azərbaycan-Böyük Britaniya əlaqələrindən danışan energetika naziri iki ölkə arasındakı münasibətlərdə enerji əməkdaşlığının xüsusi yer tutduğunu qeyd edib. 1994-cü ildən başlayaraq, Azərbaycan və Böyük Britaniyanın enerji sahəsində uğurlu əməkdaşlıq modeli yaratdığını deyən P. Şahbazov bildirib ki, Azərbaycanın yeni neft strategiyasına dəstək verən, eləcə də Xəzər regionunun neft və qaz ehtiyatlarına ilk maraq göstərən ölkələr sırasında Böyük Britaniya xüsusi yer tutur.

Görüşdə Azərbaycanın neft-qaz sektorunun inkişafı və enerji təhlükəsizliyindəki rolunun gücləndirilməsində BP ilə birgə həyata keçirilən layihələrin əhəmiyyətindən bəhs edilib. Bildirilib ki, "Azəri", "Çıraq" yataqları və "Günəşli" yatağının dərinsulu hissəsinin (AÇG) birgə işlənməsi və hasilatın pay bölgüsü haqqında dəyişdirilmiş və yenidən işlənmiş sazişin imzalanması Azərbaycan-Böyük Britaniya əlaqələrinin uzunmüddətli inkişafı üçün yeni imkanlar yaradacaq. P. Şahbazov həmçinin ölkəmizdə həyata keçirilən islahatlar, həmçinin qeyri-neft sektorunun inkişafı istiqamətində görülən tədbirlərə diqqət yönəldərək, bu istiqamətdə də əməkdaşlıq üçün geniş imkanların olduğunu bildirib.

Səfir də iki ölkənin uğurlu münasibətlərinin təməlində enerji əməkdaşlığının dayandığını deyərək, Azərbaycanı enerji sahəsində Böyük Britaniyanın strateji tərəfdaşı adlandırıb. Səfir bu tərəfdaşlığın BP-nin iştirakı ilə reallaşdırılan layihələrlə davamlı olacağını, əlaqələrin iqtisadi sahədə genişlənməsində maraqlı olduqlarını diqqətə çatdırıb. Onun sözlərinə görə, Böyük Britaniya Azərbaycana ən çox investisiya yatıran ölkələrdən biridir. Azərbaycanda nəhəng beynəlxalq firmalardan tutmuş kiçik və orta müəssisələrə kimi, 400-ə yaxın Britaniya şirkəti fəaliyyət göstərir. Gələcəkdə planlaşdırılan səfərlər investisiya mühitinin dəyərləndirilməsi və yeni əməkdaşlıq sahələrinin müəyyənləşdirilməsində mühüm rol oynayacaq.

Görüşdə müasir enerji bazarında aktuallıq kəsb edən məsələlərə dair də geniş fikir mübadiləsi aparılıb.



İmza:
SON XƏBƏRLƏR
2018-06-23
11:09 İNSAN
2018-06-22
17:29 ÜMİD


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (36.37%)
Argentina (9.09%)
İspaniya (18.18%)
Almanıya (36.36%)
Fransa (0%)

ÇOX OXUNAN
GÜNÜN LƏTİFƏSİ

Ermənilərlə bacı-qardaş olduğumuz vaxtlardı. Moskvada Yazıçılar Evinin restoranında Zakir Fəxri yeyib-içir. Bu vaxt bir erməni yazıçı da gəlib onunla bir stolda oturur. Hesab vaxtı gələndə erməninin 20 qəpiyi düşür stolun altına. Erməni əyilib pulu axtarır. Zakir Fəxri dərhal bir iyirmi beşliyi yandırıb tutur stolun altına, erməniyə deyir:

- Kirvə, axtar.

Erməni pərt olur. Restorandan çıxırlar, asılqandan paltolarını götürəndə erməni Zakirin acığına asılqanda işləyən kişiyə bir əllilik verir.

Zakir əlini atır cibinə, görür ki, o qədər pulu yoxdu, əlini yelləyib deyir:

- Brat, paltonu bağışladım sənə, geyinərsən. Mən dünən QUM-dan fransuzski əla bir palto almışam.





digər lətifələr
ARXİV
FACEBOOK