Vəlvələçay üzərində yerləşən və qəzalı vəziyyətdə olan körpü təmirdən sonra istifadəyə verilib.

Azəravtoyol ASC-dən verilən məlumata görə, 1972-ci ildə inşa olunmuş körpüdə bərpa işləri yekunlaşıb.

120 metr uzunluğunda olan körpünün 7 aşırımında olan mövcud 49 tir yenisi ilə əvəz edilib və dayaqları köynəyə alınıb möhkəmləndirilib.

Körpünün eni genişləndirilərək 8 metrdən 10.5 metrə çatdırılıb. Körpünün hər iki tərəfində piyadaların normal və təhlükəsiz hərəkəti üçün 1.2 metr enində yeni piyada səkiləri qurulub. Körpünün yükgötürmə qabiliyyəti əvvəlki 60 tondan 100 tona çatdırılıb. Artıq körpü tam olaraq müasir norma və standartlara cavab verir.