ANA SƏHİFƏ / SİYASƏT

Oqtay Əsədov: “Azərbaycanla Belarus arasında fikir ayrılığı yoxdur”

9123    |   2017-10-12 13:45
Şriftin ölçüsü:
A+ Böyütmək
A+ Balacalaşdır

Belarusda rəsmi səfərdə olan Milli Məclisin sədri Oqtay Əsədovun başçılıq etdiyi nümayəndə heyəti Minskdə bir sıra görüşlər keçirib.

Milli Məclisin mətbuat xidmətindən verilən məlumata görə, görüşlərdən biri Belarus Respublika Şurasının sədri Mixail Myasnikoviçlə olub.

Görüş zamanı M. Myasnikoviç bildirib ki, Belarus Azərbaycanla siyasi, iqtisadi, elmi və mədəni əlaqələrin inkişafına xüsusi önəm verir. O qeyd edib ki, hazırda Belarusda Azərbaycanın 58 şirkəti, Azərbaycanda isə Belarusun 70-ə yaxın şirkəti fəaliyyət göstərir.

O. Əsədov isə bildirib ki, Azərbaycanla Belarus arasında istər siyasi, istər də iqtisadi sahədə əlaqələr inkişaf edir, heç bir fikir ayrılığı yoxdur. O qeyd edib ki, regional parlament qurumları yaradılmalıdır, Azərbaycan və Belarus parlamentləri bu istiqamətdə birgə çalışa bilər.

Belarusun Ermənistan-Azərbaycan, Dağlıq Qarabağ münaqişəsi ilə bağlı Azərbaycanın haqlı mövqeyini dəstəklədiyini vurğulayan Milli Məclisin sədri bildirib ki, 2016-cı ilin aprel ayında cəbhə xəttində baş vermiş hadisə zamanı Belarus prezidenti Aleksandr Lukaşenko dərhal bəyanat verərək Azərbaycanın ərazi bütövlüyünü dəstəklədiyini vurğulayıb.

Digər görüş Belarus parlamentinin Nümayəndələr Palatasının sədri Vladimir Andreyçenko ilə olub. Görüş zamanı parlamentlərarası əlaqələrin inkişaf perspektivləri, maşınqayırma, kənd təsərrüfatı, elm, təhsil, mədəniyyət sahələrində əlaqələrin dərinləşməsi barədə fikir mübadiləsi aparılıb.

Səfər çərçivəsində Azərbaycan nümayəndə heyəti Minsk traktor zavodunun fəaliyyəti ilə tanış olub. Zavodla tanışlıqdan sonra Azərbaycan nümayəndə heyəti müəssisənin rəhbərliyi ilə görüşüb. Görüşdə qeyd olunub ki, Minsk traktor zavodu bu il ərzində Azərbaycana əlavə olaraq 460 texnika göndərmək niyyətindədir. Diqqətə çatdırılıb ki, müəssisə Gəncə avtomobil zavodu ilə birgə yığdığı traktorların Türkiyə bazarına çıxarılmasını planlaşdırır.

Nümayəndə heyətinin Minskə səfəri davam edir.




İmza:

Putinin Bakı səfərinin proqramı açıqlandı

Azay Quliyev: "ATƏT mövcud vəziyyətə adekvat yanaşmır"

“Paşinyan küçə ilə Assambleya kürsüsünü qarışıq salıb” - PA rəsmisi

QARABAĞ XANLIĞININ 270 İLLİYİNİ QEYD ELƏMƏDİK

Azərbaycanla daha bir ölkə arasında diplomatik əlaqələr quruldu

AY ALLAH, BARI XOŞ XƏBƏRLƏ QAYIDIN

Azərbaycan XİN: “Ermənistanın bu təxribatçı addımı ağır fəsadlara yol aça bilər”

Zakir Həsənov İranın müdafiə nazirinin müavini ilə görüşüb

“Xalq Cümhuriyyəti ölkəmiz üçün çox vacib olan addımlar atdı”

Ölkə başçısı Avropa İnvestisiya Bankının vitse-prezidentini qəbul etdi - YENİLƏNİB

“Azərbaycan yoxsulluğu 5 faizdən aşağı endirən 29 ölkədən biridir”

Putin Bakıda Qarabağ məsələsini müzakirə edəcək

SON XƏBƏRLƏR
2018-09-26


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu,babam deyir ki, sən onun beynini də yemisən.




digər lətifələr
ARXİV
FACEBOOK