ANA SƏHİFƏ / MƏMLƏKƏT

Bakıda “şortik” geyinənləri sevmirlər - SORĞU

5623    |   2017-10-12 12:43
Şriftin ölçüsü:
A+ Böyütmək
A+ Balacalaşdır

"ACT Azərbaycan” bu həftədən etibarən jurnalistlərin təklifləri əsasında tərtib olunmuş mövzulardan ibarət "Newsletter” layihəsini təqdim etməyə başlayır. Bu dalğanı əhatə edən sorğu 23-28 sentyabr tarixlərində Bakı şəhərində baş tutub.

Jurnalistləri maraqlandıran ilk suallardan biri də Bakı sakinlərinin şort geyinənlərə münasibətidir. Çünki şəhərdə qısa şortla gəzən əcnəbilərlə yanaşı, yerli sakinlərin də sayı ilbəil durmadan artır. Bu tip geyim tərzinə neytral yanaşanlarla bərabər, şort geyinənləri milli-mənəvi dəyərlərə hörmətsiz yanaşmaqda ittiham edənlər də az deyil. Müasir Müsavat Partiyasının sədri Hafiz Hacıyev isə şort geyinən kişilərin ayaqlarına turşu atmağı belə məsləhət görüb. Sadə məsələnin qəliz həlli yolunu tapmaq üçün paytaxt sakinlərinin məsələyə münasibətini öyrəndik.

Rəyi öyrənilmiş paytaxt sakinlərinin demək olar ki, yarısı (45 %) "şortik” geyinənlərə pis münasibət bəsləyir. Respondentlərin təqribən beşdə biri isə (17 %) bu tərz geyinənlərə müsbət baxdığını bildirir. 37 % şort istifadəçilərinə neytral yanaşdığını bildirir.

"Şortik” geyinənlərə müsbət baxmayanlar əsasən ahıl nəslin nümayəndələridir (55 və daha yuxarı yaş qrupu – 71 %). 18-24 yaş aralığında olan gənclərin beşdə biri isə bu tip geyinənlərə müsbət yanaşır (20 %).

Qadınların geyim tərzi Şərq və müsəlman dünyasında hər zaman müzakirə və mühakimə mövzusu olduğu üçün "şortik”lər də bu mənada "diqqətdən kənar” qalmır. Belə ki, qadınların şort geyinməsinə gəldikdə məsələ dəyişməz olaraq qalır – 47 % respondent "şortik” geyinən zərif cinsin nümayəndələrini bəyənmədiyini bildirir. Bu məsələyə neytral yanaşanlar nisbətən azdır (35 %). 17 % respondent isə qadınların şort geyinməsinə müsbət baxdığını bildirir.

Güclü cinsin nümayəndələrinin şort geyinməsinə pis baxanlar respondentlərin yarıdan çoxunun əhatə edib (56 %). Kişilərin şort geyinməsini respondentlərin hər on nəfərindən biri bəyənir (12 %). Bu məsələyə neytral yanaşanlar nisbətən çoxdur (32 %).

Sorğu 23-28 sentyabr tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.




İmza:
SON XƏBƏRLƏR
2017-12-13


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (75%)
Yox (25%)

ÇOX OXUNAN
GÜNÜN LƏTİFƏSİ
Birlikdə 50 il ömür sürmüş ər-arvad boşanma üçün hakimin qarşısına çıxırlar. Kişinin 77, qadının 75 yaşı var. Hakim:
- 50 il birlikdə ömür sürmüsünüz, ayıb deyilmi, boşanırsınız?
Kişi əsəbiləşir:
- Yoldaş hakim, neynəyib dözmüşəm, sevmişəm deyə səsim çıxmayıb, amma hayasız qudurub, mən yatandan sonra mənim protez dişlərimi geyinib sarımsaq yeyir!




digər lətifələr
ARXİV
FACEBOOK