ANA SƏHİFƏ / GÜNDƏM

Aqil ABBAS:BAXIN VƏ TÜRKÜN BÖYÜKLÜYÜNÜ GÖRÜN!

12772    |   2017-10-11 11:16
Şriftin ölçüsü:
A+ Böyütmək
A+ Balacalaşdır

«Yeni Müsavat» qəzetində Şimali Kipr Türk Cümhuriyyətində Mağusa şəhəri haqqında maraqlı bir yazı oxudum.

Mən də iki-üç dəfə bu şəhərin ətrafında fırlanmışam və bu şəhərə bitişik bir otelin eyvanından Mağusaya tamaşa eləmişəm. Bu şəhərə 43 ildi heç kəs buraxılmır. «Yeni Müsavat»da yazılanları təkrar etmək istəmirəm. Bu şəhər türklərin əlindədi, şəhərdə yalnız az sayda hərbçilər yaşayır və şəhərə nəzarət edir.

Şəhər 1974-cü ildən donub. Yunanlar şəhəri tərk ediblər, özləri ilə də nə isə apara bilməyiblər, mal-mülkləri, dövlətləri, avtomobilləri olduğu kimi qalır. Şəhərdə bircə binada dağıntı var, orda da yunanların baş qərargahları yerləşibmiş və türk təyyarəçiləri tərəfindən həmin qərargah raket zərbəsilə məhv edilib.

Qeyri-adi olan nədi? Yunanlar türk şəhər və kəndlərini yandırmalarına baxmayaraq, türklər nəinki bu şəhərdə hansısa bir binanı dağıtmayıblar, bu şəhərin heç bir çöpünə də əl vurmayıblar. Evlər hamısı doludu, küçələr həmin dövrün son model avtomobilləri ilə dolu və sair və ilaxır.

Amma heç bir türk qeyrətinə, kişiliyinə sığışdırıb düşmənin bir çöpünə də əl vurmayıb. Bir xalısına, gəbəsinə, televizoruna, soyuducusuna da toxunmayıb. Halbuki o dövrdə türklər indiki kimi gözəl yaşamırdılar və bu şəhərdən milyardlarla qənimət götürə bilərdilər. Etmədilər, yenə qeyd edirəm, bunu özlərinin türk kişiliklərinə sığışdırmadılar ki, başqasının malıdı.

Bu gün də şəhər toxunulmaz qalır, çünki bu şəhər türklərin deyil, yunanlarındı. Haçansa barış olacaq, yunanlar yenidən öz doğma ev-eşiklərinə qayıdacaqlar, şəhər yenidən canlanacaq.

«Yeni Müsavat»da geniş yazı var, həmin yazını öz saytımıza da qoyuruq, oxuya bilməyənlər oxusun.

Bu şəhər haqqında dəfələrlə yazmaq istəmişəm, amma nədənsə alınmayıb. Özü də məsələyə təmiz başqa gözlə baxmaq istəmişəm. Hansı gözdən? Onu erməni işğalı altında olan Ağdamla müqayisə etmək istəmişəm. Həmkarlarım sağ olsunlar ki, yadıma saldılar.

Baxın, bu türklərin işğalı altında olan Mağusa şəhəri, bu da ermənilərin işğalı altında olan Ağdam şəhəri. Bir daha türklə erməninin fərqini görün!

Ermənilərin əlində olan Ağdam










Türklərin əlində olan Mağusa











İmza:
SON XƏBƏRLƏR
2017-12-13


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (75%)
Yox (25%)

ÇOX OXUNAN
GÜNÜN LƏTİFƏSİ
Birlikdə 50 il ömür sürmüş ər-arvad boşanma üçün hakimin qarşısına çıxırlar. Kişinin 77, qadının 75 yaşı var. Hakim:
- 50 il birlikdə ömür sürmüsünüz, ayıb deyilmi, boşanırsınız?
Kişi əsəbiləşir:
- Yoldaş hakim, neynəyib dözmüşəm, sevmişəm deyə səsim çıxmayıb, amma hayasız qudurub, mən yatandan sonra mənim protez dişlərimi geyinib sarımsaq yeyir!




digər lətifələr
ARXİV
FACEBOOK