Səudiyyə Ərəbistanında çıxan "Sabk” qəzetinin yazdığına görə hakimiyyət orqanları Asir vilayətində fəaliyyət göstərən Saad əl-Hicri adlı şeyxin dini fəaliyyərlə məşğul olmasına və moizələr oxumasına qadağa qoyub. Buna səbəb həmin şeyxin cinsi ayrı-ceçkilik salan fikirlər söyləməsi, qadınları aşağılayan ifadələr işlətməsi olub. Saad əl-Hicri deyib ki, normal vəziyyətdə hər bir qadın beyni kişi beyninin yarısı qədərdir. Alış-veriş etmək istəyən qadının beynisə br az da balacalaşaraq kişi beyninin dörddə biri boyda olur. Ona görə də qadınlara sürücülük vəsiqəsi vermək olmaz.