adalet.az header logo
  • Bakı 13°C
  • USD 1.7
25 Avqust 2017 18:00
38440
TEXNOLOGİYA
A- A+

1 milyon dollarlıq kompüter

İsveçrənin "Prime Computer" şirkəti "Prime mini 3" mini-kompüterinin 1 milyon dollarlıq yeni versiyasını hazırlayıb.

Adalet.az xəbər verir ki, artıq şirkət yeni kompüterin təqdimatını keçirib. 7 kiloqramlıq bu kompüterlər 18 əyarlıq təmiz qızıldan hazırlanıb. Bu kompüteri digərlərindən fərqləndirən əsas özəllik, qiymətinin bu qədər yüksək olmasına səbəb məhz qızıldan hazırlanmasıdır.

Bir belə kompüterin hazırlanmasına 500 min dollar dəyərində qızıl istifadə edilib. Şirkətdən bildiriblər ki, qızıldan 10 kompüter istehsal edilib. Onlar da Rusiya və Ərəb Əmirliklərindən olan sifarişlərə əsasən hazırlanıb.

Şirkət kompüterin kütləvi istehsal edilməyəcəyini bəyan edib. Lakin kütləvi təlabat olsa, istehsala başlaya biləcəklərini də əlavə ediblər.

Bu mini-kompüter "Intel Core i5-6260U" prosessoru, daxili "Intel Iris Graphics 540" qrafik sürətləndiricisi, 8 giqabaytlıq "DDR4" əməli yaddaşı, 250 giqabaytlıq "Samsung EVO" SSD diski, "Wi-Fi 802.11ac", "Bluetooth" ilə təchiz edilib və "Windows 10 Home" sisteminin idarəetməsi ilə işləyir.